Beynəlxalq Atom Enerjisi Agentliyinin rəhbəri Rafael Qrossi dünyada nüvə təhlükəsinin son onilliklərin ən kritik həddinə çatdığını açıqlayıb.

Far.Az xəbər verir ki, onun sözlərinə görə, hazırkı vəziyyət Soyuq müharibə dövründən bəri görünməmiş səviyyəyə yüksəlib. Qrossi bildirib ki, Avropa və Yaxın Şərqdə münaqişələrin yenidən alovlanması beynəlxalq təhlükəsizlik sisteminə ciddi təzyiq göstərir.

O, xüsusilə Nüvə silahlarının yayılmaması müqaviləsi-nin gücləndirilməsinin vacibliyini vurğulayıb. Qrossinin fikrincə, bu sənəd nüvə silahlarının yayılmasının qarşısını almaq üçün ən mühüm beynəlxalq mexanizmdir.

Qeyd edək ki, 1970-ci ildə qüvvəyə minən müqaviləyə 191 dövlət qoşulub. Lakin son illərdə bu rejim ciddi çətinliklərlə üzləşir. Şimali Koreya 2003-cü ildə müqavilədən çıxaraq nüvə silahı hazırlayıb. Hindistan, Pakistan və İsrail isə ümumiyyətlə sənədə qoşulmayıb.

Ekspertlər hesab edir ki, böyük dövlətlər arasında fikir ayrılıqları və uğursuz beynəlxalq danışıqlar qlobal nüvə təhlükəsizliyi sistemini zəiflədib.

Oxşar xəbərlər

Bakıda tanınmış şirkət bahalı maşınlarını ucuz qiymətə satışa çıxardı - SİYAHI

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Nazirlik sel təhlükəsi zamanı qorunmağın yollarını göstərdi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN