Venesuela Amerikanın "Overseas Oil Company" və "Crossover Energy Holding" şirkətləri ilə anlaşma memorandumu imzalayıb.

"Report"un məlumatına görə, imzalanma mərasimi Miraflores sarayında prezident səlahiyyətlərini icra edən Delsi Rodriqesin iştirakı ilə baş tutub.

"ABŞ və Venesuelanın maraqları üst-üstə düşür və biz bir-birini tamamlayaraq Amerika və Venesuela xalqlarının ümumi rifahına töhfə verə bilərik", - Rodriqes "Venezolana de Television" telekanalının efirində bildirib.

O, həmçinin Ağ Evin energetika sahəsində Milli Şurasının icraçı direktoru Carrod Eyqenin rəhbərlik etdiyi amerikalı sahibkarlar nümayəndə heyətini salamlayıb və onlardan ABŞ Prezidenti Donald Trampa Karakasın Vaşinqtonla uzunmüddətli münasibətlər qurmağa hazırlığı barədə məlumat vermələrini xahiş edib.

Qeyd olunur ki, Venesuela hökumətinin nümayəndələri, dövlətə məxsus neft və qaz şirkəti PDVSA və Amerika nümayəndə heyəti arasında keçirilən görüşün əsas məqsədi enerji, mədənçilik və ticarət sahələrində əməkdaşlığı inkişaf etdirmək olub.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev Ərəb Parlamentinin prezidentinin başçılıq etdiyi nümayəndə heyətini qəbul edib