Baku TV-nin "Necə olmalıdır?" rubrikasının budəfəki buraxılışında paytaxtın Bəhruz Nuriyev küçəsində, Heydər Əliyev parkı ətrafında yol hərəkətinin təşkili ilə bağlı mövcud problemlər və onların alternativ həlli yollarından bəhs edilib.

Bildirilib ki, qeyd olunan küçə ilə hərəkət edən avtomobillər parkın əks tərəfinə keçmək üçün iki işıqfor və üç kəsişmədən keçmək məcburiyyətində qalırlar.

Qeyd edilib ki, problemin kifayət qədər sadə həlli yolu mövcuddur. Belə ki, yük avtomobillərinin zəbt etdiyi ərazidən geridönmə yeri təşkil etmək olar. Bu metodun uğurlu nümunələri artıq paytaxtın bir neçə nöqtəsində - Koroğlu Rəhimov və Həsən Əliyev küçələrinin kəsişməsi, Şəmsi Bədəlbəyli küçəsi, eləcə də Qış parkının ətrafında tətbiq edilib.

Əlavə edilib ki, Bəhruz Nuriyev küçəsində hərəkətin bu qaydada yenidən təşkili Qara Qarayev prospektindəki ümumi yüklənməni azaldacaq və ərazidə qəza riskini minimuma endirəcək.

Oxşar xəbərlər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Prezident İlham Əliyev Xankəndi şəhərində Zəfər parkının açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Leyla Əliyeva Qaradağda yeni parkın açılışında iştirak edib