Pakistanın şimal-qərbində polis postunun yaxınlığında baş vermiş terror aktı nəticəsində həlak olan hüquq-mühafizə orqanları əməkdaşlarının sayı 12-yə çatıb.

"Far.Az" xəbər verir ki, bu barədə yerli polisə istinadən AFP məlumat yayıb.

Qeyd edək ki, hücum Əfqanıstan sərhədinin yaxınlığında yerləşən Xayber-Paxtunxva əyalətinin Bannu şəhərində baş verib.

Hücum intiharçı terrorçunun minalanmış avtomobili posta çırpması ilə başlayıb. Partlayışdan sonra əraziyə soxulan bir qrup silahlı şiddətli atəş açıb. Agentliyin mənbələrinin məlumatına görə, hücum edənlər təkcə ağır silahlardan deyil, həm də PUA-lardan istifadə ediblər.

Toqquşmadan sonra yaraqlılar silah və bir neçə polis əməkdaşını özləri ilə apararaq geri çəkiliblər. Hazırda rəsmi olaraq bir nəfər itkin düşmüş hesab olunur.

Qeyd olunub ki, son vaxtlar Xayber-Paxtunxva regionunda terror hücumları halları çoxalıb. İslamabad Kabili ekstremistləri dəstəkləməkdə ittiham edir, lakin "Taliban" rəhbərliyi bu ittihamları rədd edir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Leyla Əliyeva "Mənzərəyə açılan ev" mövzusunda qrup sərgisində iştirak edib

Amnistiya aktı məntəqə tipli cəzaçəkmə müəssisəsində icra olunub