Ukrayna Gürcüstanla münasibətlərin bərpasına ümid edir və konstruktiv dialoqu davam etdirməyə hazırdır.

"Report"un Avropa bürosu xəbər verir ki, bu barədə Ukraynanın xarici işlər naziri Andrey Sibiqa Avropa İttifaqı Xarici İşlər Şurasının Brüsseldəki iclasından əvvəl bildirib.

"Biz gürcü tərəfdaşlarımızla yeni səhifə açmaq istəyirik", - Sibiqa deyib.

Onun sözlərinə görə, iki ölkə liderlərinin İrəvandakı son görüşü tarixi olub və "yaxşı fikir mübadiləsi" aparmağa imkan verib.

"Biz bu konstruktiv dialoqu davam etdirməyə hazırıq. Yaxın vaxtlarda Moldovada Gürcüstandan olan həmkarımla görüşüm olacaq", - ukraynalı nazir qeyd edib.

Sibiqa əlavə edib ki, Kiyev "ikitərəfli münasibətlərin diplomatik xəttini lazımi şəkildə qurmaq" niyyətindədir.

"Xalqlarımız, cəmiyyətlərimiz buna layiqdir. Bəli, ikitərəfli gündəlikdə bəzi həssas məsələlərimiz var, amma biz irəliləməyə hazırıq", - o vurğulayıb.

Oxşar xəbərlər

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

Qəbələdə Çexiyanın Baş naziri Andrey Babişin rəsmi qarşılanma mərasimi olub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyevin İtaliya Nazirlər Şurasının sədri ilə geniş tərkibdə görüşü olub

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər