Mayın 9-da vəzifəsinin icrasına başlayan Macarıstanın Baş naziri Peter Madyar hökumətin eyni anda üç rəsmi nümayəndəsinin təyin edildiyini elan edib.

"Far.Az" xəbər verir ki, bu barədə siyasətçi sosial şəbəkələrdəki səhifəsində məlumat verib.

Hökumətin mətbuat xidmətinin tərkibinə keçmiş teleaparıcılar və jurnalistlər - Vanda Sondi, Eva Madyar və Anita Köböl daxil olublar.

"Macarıstanın yeni hökuməti media ilə tərəfdaşlıq münasibətləri qurmaq niyyətindədir", - o bildirib.

Madyar təyin olunmuş nümayəndələrin hər birini ayrı-ayrılıqda təqdim edərək onların jurnalistika və televiziya sahəsindəki peşəkar təcrübəsini qeyd edib.

O vurğulayıb ki, hər üçü "sual verməyi, dinləməyi, məlumatı yoxlamağı və məsuliyyətlə cəmiyyəti məlumatlandırmağı öyrəniblər".

Beləliklə, Peter Madyar son illərdə mövcud olan praktikadan imtina etdi - həmin praktikaya görə kabinetin yalnız bir rəsmi nümayəndəsi olurdu. Əvvəlki kabinetdə bu vəzifəni Zoltan Kovaç tuturdu.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Vətən müharibəsində Qələbənin beşinci ildönümünə həsr olunmuş Hərbi parad keçirilib

"Euronews Academy" çərçivəsində keçirilən "Rəqəmsal Jurnalistika" təlim proqramı yekunlaşıb