Alman avtomobil istehsalçısı "Mercedes-Benz" Berlində ona məxsus olan bütün diler mərkəzlərini "Alpha Auto Group" şirkətinə rəhbərlik edən kanadalı iş adamı Kuldip Billana satıb.

"Report" xəbər verir ki, bu barədə yerli "Bild" nəşri mənbələrə istinadən yazıb.

Sövdələşməyə Almaniyanın paytaxtında yerləşən və təxminən 1,5 min nəfərin çalışdığı yeddi filial daxil edilib. Qəzet qeyd edib ki, "Mercedes-Benz" öz avtosalonlarını Hamburq, Münxen, eləcə də Reyn-Rur kimi sənaye regionunda da satmaq niyyətindədir. Ümumilikdə bu, təxminən 8 min iş yerinə təsir göstərə bilər.

Berlin diler mərkəzlərinin işçilərinə bağlanmış sövdələşmə barədə elektron poçt vasitəsilə məlumat verilib. Onların qarşısında seçim qoyulub: pul kompensasiyası almaq və ya yalnız bir il müddətinə iş yerinin qorunması zəmanəti ilə razılaşmaq. Bundan sonra qüvvədə olan əmək müqavilələri ləğv edilməli, ardınca isə yeni müqavilələr rəsmiləşdirilməlidir. Lakin yeni mülkiyyətçinin tarif öhdəliklərinə əməl edib-etməyəcəyi məsələsi açıq qalır.

"Bild" vurğulayıb ki, "Mercedes-Benz"in Berlin avtosalonlarının personalı iki il ərzində satışa mane olmaq üçün cəhdlər edib, lakin onlar nəticəsiz qalıb.

Oxşar xəbərlər

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Leyla Əliyeva və Arzu Əliyeva Berlində MAMA "Ana təbiət" sərgisinin açılışında iştirak ediblər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2