Qazaxıstan Prezidenti Kasım-Jomart Tokayev Türkiyə lideri Rəcəb Tayyib Ərdoğanın Astanaya səfərinin ikitərəfli əməkdaşlığa yeni təkan verəcəyini bəyan edib.

Bu barədə "Report"un Qazaxıstan bürosu Akordaya istinadən xəbər verir.

K.Tokayev həmçinin bu səfərin tarixi əhəmiyyət daşıdığını vurğulayıb.

Onun sözlərinə görə, Astana ilə Ankaranı dəyişməz dostluq, qardaşlıq münasibətləri və möhkəm tərəfdaşlıq bağlayır: "Dövlətlərimiz arasında heç bir ziddiyyət və fikir ayrılığı yoxdur".

K.Tokayev həmçinin ötən il Türkiyəyə rəsmi səfəri zamanı əldə edilmiş razılaşmaları xatırladıb:

"Ankarada Yüksək Səviyyəli Strateji Əməkdaşlıq Şurasının beşinci iclası keçirilib, çox mühüm qərarlar qəbul edilib. Bu gün Şuranın altıncı iclası keçiriləcək, həmçinin genişmiqyaslı biznes-forum baş tutacaq".

Öz növbəsində Ərdoğan Qazaxıstan tərəfinə səmimi qəbula görə təşəkkür edib: "Əminəm ki, bugünkü səfər qardaş xalqlarımızın birliyinin möhkəmləndirilməsinə mühüm töhfə verəcək".

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2