Qazaxıstan və Türkiyə sənaye, logistika, kənd təsərrüfatı və investisiya sahələrində əməkdaşlığı genişləndirmək niyyətindədir.

"Report"un Qazaxıstan bürosu Akordaya istinadən xəbər verir ki, bu barədə ölkənin Prezidenti Kasım-Jomart Tokayev türkiyəli həmkarı Rəcəb Tayyib Ərdoğanın iştirakı ilə keçirilən Qazaxıstan-Türkiyə biznes forumunda bildirib.

Onun sözlərinə görə, Qazaxıstan və Türkiyə işgüzar dairələri artıq ümumi dəyəri 7,6 milyard dollar olan 142 layihəni həyata keçirib.

Tokayev nəqliyyat-logistika əməkdaşlığına xüsusi diqqət yetirib.

"Bu istiqamətdə Çin və Avropa arasında yük axınının 85 %-i Qazaxıstandan keçir", - o bildirib və Orta Dəhliz kimi tanınan Transxəzər Beynəlxalq Nəqliyyat Marşrutu üzrə daşımaların həcmi son illər ərzində beş dəfədən çox, 2025-ci ildə isə konteyner daşımaları 36 % artıb.

Tokayev bildirib ki, Qazaxıstan Orta Dəhliz üzrə daşımaların həcmini 10 milyon tona çatdırmaq niyyətindədir. Tranzit daşımalarının əlaqələndirilməsi üçün vahid "Smart Cargo" rəqəmsal platforması hazırlanıb.

Ərdoğan qeyd edib ki, Qazaxıstan Türkiyənin ən böyük ticari-iqtisadi tərəfdaşı ola bilər.

Onun sözlərinə görə, Türkiyədə Qazaxıstanın iqtisadi inkişafını diqqətlə izləyirlər.

"Bu gün Qazaxıstan 145 milyard dollarlıq xarici ticarət dövriyyəsi ilə Mərkəzi Asiyanın ən böyük iqtisadiyyatı kimi tanınır", - Ərdoğan qeyd edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib