ABŞ Mərkəzi Komandanlığının rəhbəri admiral Bred Kuper bildirib ki, ABŞ və İsrailin həyata keçirdiyi hava hücumları nəticəsində İranın hərbi imkanları ciddi şəkildə zəiflədilib. Bununla belə, Tehran hələ də Hörmüz boğazına nəzarəti əlində saxlayır.

BAKU.WS xəbər verir ki, admiral bu barədə Senatın Silahlı Xidmətlər Komitəsində keçirilən "İranla qarşıdurma və Afrikadakı hərbi hazırlıq vəziyyəti" adlı dinləmədə danışıb.

Kuperin sözlərinə görə, ABŞ və İsrail İranın silah istehsalı obyektlərinə 1450-dən çox zərbə endirib. O iddia edib ki, hücumlar nəticəsində İranın ballistik raket, pilotsuz uçuş aparatı və dəniz sənayesi infrastrukturunun 85 faizdən çoxu sıradan çıxarılıb.

Admiral qeyd edib ki, ABŞ qüvvələri İranın təxminən 8 min dəniz minasından ibarət arsenalının 90 faizdən çoxunu məhv edib və onların Hörmüz boğazında yerləşdirilməsinin qarşısını alıb.

Bununla yanaşı, Kuper vurğulayıb ki, İranın hələ də bölgədə gəmilər üçün təhlükə yarada biləcək müəyyən imkanları qalır.

Oxşar xəbərlər

Gəncənin ballistik raket atəşinə tutulması əmrinin Ermənistan rəhbərliyi tərəfindən növbəti dəfə təsdiqlənib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Sumqayıt Sənaye Parkında karton və qutu taralarının istehsalı müəssisəsinin açılışı olub