Türkiyə Prezidenti Rəcəb Tayyib Ərdoğan Türk dövlətlərinin müdafiə sənayesində əməkdaşlığın genişləndirilməsinin zəruriliyini bəyan edib.

Far.Az report-a istinadən xəbər verir ki, o bunu Türk Dövlətləri Təşkilatının (TDT) qeyri-rəsmi sammitində bildirib.

"Fələstin, Livan, İran, Ukrayna və digər böhran nöqtələrində baş verən hadisələr müdafiə qabiliyyətimizin gücləndirilməsi və müdafiə sənayesində əməkdaşlığın genişləndirilməsinin zəruriliyinə işarə edir. Türkiyə müdafiə sənayesi sahəsində topladığı və yüksək texnologiyalara əsaslanan təcrübəsini təşkilatın üzv dövlətləri ilə bölüşməyə hazırdır", - deyə o bildirib.

Ərdoğan həmçinin "TDT+" formatının tezliklə işə salınmasının lehinə çıxıb və Türk dünyasını birləşdirən nəqliyyat layihələrinin, o cümlədən Orta Dəhlizin əhəmiyyətini vurğulayıb.

"Türk dünyasını birləşdirən nəqliyyat layihələri, ilk növbədə Orta Dəhliz, bundan sonra da prioritetimiz olaraq qalacaq", - Ərdoğan vurğulayıb.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Prezident İlham Əliyev Yaxın Şərq Sülh Sammitində iştirak edib

Bişkekdə TDT ölkələri hökumət başçılarının iclası olub, Birgə Bəyanat qəbul edilib

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib