Ukrayna Müdafiə Nazirliyinin Baş Kəşfiyyat İdarəsi Rusiya Silahlı Qüvvələrinin Ukraynaya, xüsusilə "qərar qəbuletmə mərkəzləri"nə yeni raket-dron zərbələri endirməyə hazırlaşması barədə məlumat verib.

"Report" xəbər verir ki, bu barədə Ukrayna Prezidenti Volodimir Zelenski teleqram kanalında məlumat verib.

"Hədəflərin arasında 20-yə yaxın siyasi mərkəz və hərbi məntəqələr var. Əlbəttə, biz bu məlumatı nəzərə aldıq. Lakin Rusiya rəhbərliyi üçün xüsusi olaraq qeyd etmək lazımdır ki, bu ölkədən fərqli olaraq, Ukraynanın müdafiə mənbəyi Ukrayna xalqının öz müstəqilliyi və öz müstəqil dövləti uğrunda mübarizə aparmağa hazır olmasıdır", – o yazıb.

Zelenski qeyd edib ki, ukraynalılar istənilən digər millətlər kimi öz ölkələrinin suverenliyini müdafiə etmək hüququna malikdirlər.

"Xalqı məğlub etmək mümkün deyil. Rusiya öz müharibəsini başa çatdırmalı və layiqli sülhlə bağlı razılığa gəlməlidir", - Zelenski vurğulayıb.

Oxşar xəbərlər

İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir

Bakıda D-8 ölkələrinin Gənclər Dialoqunun rəsmi açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2