Dayanıqlı enerji strategiyasının əsasında tələbat, infrastruktur və tərəfdaşlıq dayanır.

"Report" xəbər verir ki, bunu BP-nin Xəzər bölgəsində biznesin inkişafı üzrə vitse-prezidenti Çingiz Hacıyev Bakı Enerji Həftəsinin ikinci günündə təşkil olunmuş panel müzakirələrində bildirib.

Onun sözlərinə görə, enerji sektorunda uzunmüddətli uğurun üç əsas elementi var: "Bu gün dünyada sənayeləşmə, elektrikləşmə və əhalinin artması qaz tələbatını artırır. Qaz bazardan sıxışdırılmır, əksinə ona daha çox ehtiyac duyulur. Enerji təhlükəsizliyinin təmin olunmasında infrastrukturun rolu getdikcə artır. Bu gün yerin altında olan bir qaz kəmərinin dəyəri beş və ya on il əvvəlkindən daha yüksəkdir. Qaz sadəcə yanacaq deyil, iqtisadiyyatları, sənayeləri və ölkələri birləşdirən strateji vasitədir".

BP rəsmisinin sözlərinə görə, Xəzərdən Avropaya uzanan təxminən 3 500 kilometrlik Cənub Qaz Dəhlizi də vaxtilə verilmiş strateji qərarın nəticəsidir: "Bir çoxları bu layihəyə inanmırdı. Bu gün isə həmin infrastruktur geosiyasi qeyri-sabitlik şəraitində enerji təhlükəsizliyinin təmin olunmasına xidmət edir".

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib