Deputat: Uşaqların rəqəmsal təhlükəsizliyində provayderlərin məsuliyyəti xüsusi əhəmiyyət daşıyır
Uşaqların rəqəmsal təhlükəsizliyində provayderlərin məsuliyyəti xüsusi əhəmiyyət daşıyır.
"Far.Az" xəbər verir ki, bunu Milli Məclisin deputatı Azər Allahverənov Azərbaycan Milli QHT Forumunun təşkilatçılığı ilə "Uşaqların rəqəmsal təhlükəsizliyi, zərərli asılılıqdan qorunması" mövzusunda ictimai müzakirədən öncə jurnalistlərə açıqlamasında deyib.
Onun sözlərinə görə, bəzi ixtisaslaşmış qurumlar bu məsələ ilə bağlı artıq həyəcan təbili çalır:
"Dünyada da bu məsələ ilə bağlı ciddi narahatlıqlar mövcuddur. Böyük Britaniya, Çin, Avstraliya, Fransa kimi ölkələrdə uşaqların rəqəmsal təhlükəsizliyinin təmin olunması üçün bir sıra qadağalar tətbiq olunmağa başlanıb".
Deputat qeyd edib ki, yetkinlik yaşına çatmayanların sosial platformalara girişinin qadağan edilməsi ilə bağlı müzakirələrdə müxtəlif təkliflər səsləndirirlir:
"Azərbaycanda da bu istiqamətdə müzakirələr və məsləhətləşmələr həyata keçirilir. Ümumiyyətlə, ölkəmizin qanunvericilik bazası kifayət qədər zəngindir və bu, kibercinayətkarlıqla mübarizə sahəsini də əhatə edir".
A.Allahverənov bildirib ki, uşaqlar müxtəlif onlayn oyunlar və proqramlar vasitəsilə neqativ psixoloji təsirərə məruz qalırlar:
"Buna görə də müəyyən məhdudiyyətlərin tətbiqi zərurəti yaranır. İlk növbədə yaşla bağlı məhdudiyyətlər önə çıxır. Milli Məclisin plenar iclasına bu barədə qanun layihəsi tövsiyə olunub. Azərbaycanda bu məhdudiyyətlərin 16 yaş həddinə qədər olanlara tətbiq edilməsi nəzərdə tutulur".
O, uşaqların onlayn resurslardan məlumat əldə etmək hüququnun nəzərə alınmasının vacibliyini də vurğulayıb:
"Ən önəmli məsələlərdən biri uşaqların rəqəmsal təzyiq və zorakılığa məruz qala biləcəyi platformalarla bağlıdır və bu sahədə provayderlərin məsuliyyəti xüsusi əhəmiyyət daşıyır. Mövcud qanunvericilikdə həmin provayderlər üçün cərimələr və digər məsuliyyət mexanizmləri nəzərdə tutulur. Hazırda müzakirə edilən qanun layihəsinin qəbul olunduqdan sonra bir il ərizndə qüvvəyə minməsi planlaşdırılır".
Oxşar xəbərlər
QHT-lərə dövlət dəstəyinin "bir pəncərə"li yeni mexanizmi yaradılıb
SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib
Leyla Əliyeva "Mənzərəyə açılan ev" mövzusunda qrup sərgisində iştirak edib
Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər
İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ
Ən son xəbərləri bizim
"Facebook" səhifəmizdə izləyin
Digər xəbərlər
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
UEFA Millətlər Liqasında qrup mərhələsinin son oyunları keçirilib
-
Nvidia direktorlar şurası Censen Huangi baş direktor vəzifəsinə qaytarmaq niyyətində deyil
-
PSV Kevin De Brüyne üçün transfer təklifi göndərib
-
ABŞ Azərbaycana minatəmizləmə işlərində yardım göstərə bilər













