Bəzi hallarda xəbər saytlarında insan hüquqları ilə bağlı qaydalar pozulur.

"Report" xəbər verir ki, bunu Hüquq və İnsan Haqları İnstitutunun İdarə Heyətinin sədri Məhəmməd Quluzadə "İnsan Hüquqları Aylığı" çərçivəsində Medianın İnkişafı Agentliyi ilə birgə media nümayəndələri üçün "Media və insan hüquqları" mövzusunda keçirilən maarifləndirici məlumat sessiyasında deyib.

Onun sözlərinə görə, 2024-cü ildən 20 xəbər saytında insan hüquqları ilə bağlı monitorinq aparılıb:

"Nəticədə 17 min məqalə üzərində aparılan monitorinq zamanı insan hüquqlarının pozulması hallarına rast gəlinib. Hazırda monitorinqlər davam etdirilir və bu istiqamətdə media nümayəndələri ilə birgə işlər aparılır. Monitoqlər davam etdikcə dinamika müsbətə doğru dəyişib. Sonuncu hesabatda 4-5 xəbər saytının hələ də pozuntulara yol verdiyi müşahidə edilsə də, digər 15-nin insan hüquqları ilə bağlı qaydalara riayət etdiyi müəyyənləşib".

M.Quluzadə əlavə edib ki, qanunvericilikdə dəyişikliklər fonunda media nümayəndələrinin üzərinə böyük məsuliyyət düşür və əhalinin maarifləndirilməsi üçün birgə səylər davam etdirilməlidir.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN