ICIEC indiyə qədər Azərbaycanda 164 milyon dollarlıq biznes sığortası əməliyyatları həyata keçirib
Far.Az xəbər saytı

ICIEC indiyə qədər Azərbaycanda 164 milyon dollarlıq biznes sığortası əməliyyatları həyata keçirib


İslam İnvestisiya və İxrac Kreditlərinin Sığortası üzrə İslam Korporasiyası (ICIEC) indiyə qədər Azərbaycanda 164 milyon ABŞ dolları dəyərində biznes sığortası əməliyyatları həyata keçirib.

"Report" xəbər verir ki, bunu ICIEC-nin baş direktoru, Özəl Sektorun İnkişafı üzrə İslam Korporasiyasının (ICD) baş direktor əvəzi Xalid Xalafalla Bank Qrupunun Bakıda keçirilən illik toplantıları çərçivəsində İslam İnkişaf Bankı (IsDB) Qrupunun özəl sektor üzrə 14-cü forumu zamanı jurnalistlərə bildirib.

Onun sözlərinə görə, qurum uzun illərdir ki, Azərbaycanda fəaliyyət göstərir və yerli bankları maliyyə xətləri vasitəsilə dəstəkləyir: "Lizinq şirkətləri ilə əməkdaşlıq da kiçik və orta biznesin maliyyə resurslarına çıxışının genişləndirilməsinə yönəlib. İsDB Qrupunun sığorta qurumu ICIEC-yə Azərbaycan 2023-cü ildən 49-cu üzv kimi qoşulub. Həmin vaxtdan bəri ölkədə 164 milyon dollarlıq biznes sığortası əməliyyatları həyata keçirilib. Bu yaxınlarda biz telekommunikasiya sektorunda da mühüm bir əməliyyatı sığortaladıq. Bu layihə telekommunikasiya infrastrukturunun bərpası baxımından böyük əhəmiyyət daşıyır. Nəqliyyat sektorunda isə Qazaxıstandan "Azərbaycan Dəmir Yolları" QSC-yə lokomotiv ixracını dəstəkləmişik. Bu, ölkələrimiz arasında əməkdaşlıq baxımından əlamətdar layihələrdən biridir".

"ISB Qrupu Azərbaycanda fəaliyyətinin nəticələrindən məmnundur və gələcəkdə əməkdaşlığın daha da genişləndirilməsi üçün böyük potensial görür", - deyə X.Xalafalla əlavə edib.

Oxşar xəbərlər

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Ən son xəbərləri bizim

"Facebook" səhifəmizdə izləyin

Digər xəbərlər