Konqoda eboladan ölənlərin sayı 245-ə çatıb
Konqo Demokratik Respublikasında ebola qızdırmasından təsdiqlənmiş ölüm hallarının sayı 245-ə çatdı.
"Report"un Konqo Mətbuat Agentliyinə istinadən məlumatına görə, bu barədə səhiyyə naziri Samuel Roje Kamba xəstəliyin hazırkı alovlanma ocağına çevrilmiş İturi əyalətinin inzibati mərkəzi olan Bunia şəhərində keçirilən mətbuat konfransı zamanı bəyan edib.
"Hazırda epidemioloji vəziyyət belədir: 933 təsdiqlənmiş yoluxma halı qeydə alınıb, onlardan 245-i pasiyentlərin ölümü ilə başa çatıb. Ölüm göstəricisi 26 % təşkil edir. Stasionar müalicədə 416 nəfər var. 80 pasiyent tamamilə sağalıb və müalicə müəssisələrini tərk edib", - Səhiyyə Nazirliyinin rəhbəri dəqiqləşdirib.
O, ebolanın yayılmasına qarşı mübarizədə nəzərəçarpan irəliləyiş olduğunu deyib. Nazir xüsusilə infeksiya hallarının diaqnostikası prosesinin yaxşılaşmasına və yerli əhalinin tibbi strukturlara olan etimad səviyyəsinin yüksəlməsinə diqqət çəkib.
Kamba vurğulayıb ki, regionda təmasda olan şəxslərin sistematik şəkildə izlənilməsi daha çox sayda xəstənin aşkarlanmasına kömək edir. Bununla yanaşı, vətəndaşların ixtisaslaşdırılmış müalicə mərkəzlərinə müstəqil şəkildə müraciət etməsi ilə bağlı müsbət dinamika qeydə alınır. O həmçinin ebola xəstələrini qəbul edən tibb müəssisələrinin imkanlarının genişləndirildiyini dəqiqləşdirib.
"Belə xəstələr üçün xəstəxana yerlərinin sayı 516-ya qədər artırılıb. Ebola qızdırmasına yoluxanların müalicəsi üzrə fəaliyyət göstərən mərkəzlərin güclərinin artırılması istiqamətində işlər davam edir", - nazir qeyd edib.
Oxşar xəbərlər
Turistlərin sevimli şəhərinə çevrilmiş paytaxt Bakı
Azercell-in dəstəyi ilə "RobotChallenge Azerbaijan 2026" uğurla başa çatdı
Konqoda ebola virusundan ölənlərin sayı 100-ü keçib
Konqoda "Ebola"dan ölənlərin sayı 115-ə yüksəlib
Konqoda Eboladan ölənlərin sayı 60 nəfərə çatıb
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
Virciniyada yarım əsrdən sonra ilk dəfə qızılca xəstəliyindən bir uşaq ölüb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Azərbaycan vətəndaşlarının İordaniyaya vizasız rejimi tətbiq edilib













