Rütte Trampın Qrenlandiya ilə bağlı planlarını şərh etməkdən imtina edib
NATO-nun Baş katibi Mark Rütte Qrenlandiyanın siyasi gələcəyini müzakirə etmək və ya bu məsələ ilə bağlı hər hansı öhdəlik götürmək səlahiyyətinin olmadığını bildirib və müvafiq danışıqların ABŞ, Danimarka və ada rəhbərliyi tərəfindən aparıldığını vurğulayıb.
"Report"un Avropa bürosu xəbər verir ki, bu barədə Baş katib NATO-nun Ankarada keçirilən sammitinin yekunlarına dair mətbuat konfransında ABŞ Prezidenti Donald Trampın Qrenlandiya ilə bağlı yeni bəyanatlarını şərh etmək xahişinə cavab olaraq bildirib.
Rütte qeyd edib ki, onun Trampla yanvar ayında əldə etdiyi razılaşmalar yalnız Qrenlandiyanın təhlükəsizliyinə aid olub. Onun sözlərinə görə, tərəflər Rusiya və Çinin artan fəallığı səbəbindən NATO-nun bu regionda fəaliyyətlərin koordinasiyasını gücləndirməsinin zəruri olduğu ilə razılaşıblar.
"Prezident tamamilə haqlı idi. Rusiya və Çinin Arktikadakı mövqelərini getdikcə gücləndirməsi ilə bağlı ciddi risk var", - Baş katib deyib.
O qeyd edib ki, NATO ABŞ, Kanada, İslandiya, Danimarka, Norveç, İsveç və Finlandiya daxil olmaqla regiona çıxışı olan yeddi müttəfiqin iştirakı ilə Arktikanın təhlükəsizliyinin gücləndirilməsi təşəbbüsünü həyata keçirir.
Bununla yanaşı, Rütte vurğulayıb ki, razılaşmaların ikinci aspekti NATO-nun səlahiyyətlərinə aid deyil. ABŞ, Danimarka və Qrenlandiya arasında aparılan ayrı üçtərəfli danışıqlar müdafiə infrastrukturuna gələcək investisiyalara, o cümlədən "Golden Dome" raketdən müdafiə sisteminin elementlərinin və hərbi kontingentin adada mümkün yerləşdirilməsinə, eləcə də Qrenlandiyanın Danimarkanın tərkibindəki konstitusiya statusunun dəyişəcəyi təqdirdə bu razılaşmaların qüvvədə qalmasının təmin edilməsinə həsr olunub.
"Mən bu danışıqlarda iştirak etmirəm. Bu, üç tərəfin məsələsidir", - o bildirib.
Oxşar xəbərlər
ABŞ Prezidenti Donald Trampın təşəbbüsü ilə yaradılan Sülh Şurası təsis edilib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Ən son xəbərləri bizim
"Facebook" səhifəmizdə izləyin
Digər xəbərlər
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













