Qazaxıstan ərazisindən Rusiyaya dronların atılması üçün istifadə olunması xəbərlərini təkzib edib
Qazaxıstanın Xarici İşlər Nazirliyi (XİN) ölkə ərazisinin Rusiyadakı hədəflərə hücumlar üçün istifadə edilməsi barədə məlumatların həqiqətə uyğun olmadığını bildirib.
"Report"un Qazaxıstan bürosunun məlumatına görə, bu barədə ölkə XİN-i bəyanat yayıb.
Nazirlik vurğulayıb ki, bu cür iddialar heç bir məlumat və ya faktla dəstəklənmir.
"Qazaxıstan Xarici İşlər Nazirliyi məsuliyyətlə bəyan edir ki, bu iddialar həqiqətə uyğun deyil, heç bir məlumat və ya faktla təsdiqlənmir", - bəyanatda deyilir.
XİN bu cür məlumatları hərtərəfli strateji tərəfdaşlıq və müttəfiqlik ruhunda inkişaf edən Qazaxıstan-Rusiya münasibətlərinin ənənəvi dostluq xarakterini təhrif etməyə yönəlmiş əsassız iddialar kimi xarakterizə edib.
Nazirlik həmçinin qeyd edib ki, Qazaxıstan davamlı olaraq mehriban qonşuluq, qarşılıqlı hörmət və dövlətlərin daxili işlərinə qarışmamaq prinsiplərinə əsaslanan dinc, balanslı, məsuliyyətli xarici siyasət yürüdür.
Xarici İşlər Nazirliyi vurğulayıb ki, Qazaxıstan Respublikası ərazisinin, hava məkanının və infrastrukturunun digər dövlətlərə qarşı yönəlmiş hərəkətlər üçün istifadə edilə bilməyəcəyinə əmindir.
Nazirlik media nümayəndələrini və digər şəxsləri yalnız təsdiqlənmiş faktlara əsaslanmağa və yalan məlumat yaymaqdan çəkinməyə çağırıb.
Xatırladaq ki, söhbət bir neçə media orqanında dronların Qazaxıstan ərazisindən Rusiyadakı hədəflərə hücumlarda istifadə edildiyi barədə məlumatlardan gedir.
Oxşar xəbərlər
Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib
Bişkekdə TDT ölkələri hökumət başçılarının iclası olub, Birgə Bəyanat qəbul edilib
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
Nvidia direktorlar şurası Censen Huangi baş direktor vəzifəsinə qaytarmaq niyyətində deyil
-
Rumıniyada güclü zəlzələ baş verib
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Rumıniyada güclü zəlzələ baş verib.
-
Paşinyan: Ümumi istifadədə olan çaylardan birgə yararlanmaq qaydalarının Azərbaycanla müzakirəsi vacibdir













