Paşinyan parlamentdə özündən çıxdı: "Sizi siyasi bomjlara çevirəcəyik!"
Far.Az xəbər saytı

Paşinyan parlamentdə özündən çıxdı: "Sizi siyasi bomjlara çevirəcəyik!"


Ermənistanın baş naziri Nikol Paşinyan müxalifətdəki "Güclü Ermənistan" partiyasının deputatı Anuş Mirzoyanın onu Azərbaycanın Qarabağ bölgəsində minlərlə erməni hərbçinin ölümündə ittiham etməsindən sonra özündən çıxıb.

BAKU.WS Oxu.Az-a istinadən xəbər verir ki, insident parlamentdə keçirilən hökumət saatı zamanı baş verib.

Ermənistan hökumətinin başçısı səsini yüksəldərək müxalifət nümayəndələrini hədələyib. O, müxalifətçiləri oğurluqda ittiham edib və onları xain adlandırıb.

Paşinyan həmçinin bildirib ki, müxalifət nümayəndələri Ermənistan hökumətinin müəyyən etdiyi siyasi xəttə uyğun olaraq, Azərbaycanın ərazisində vaxtilə mövcud olmuş və sonradan ləğv edilmiş separatçı qurumun qondarma "bayraqlarını" iclas zalından gizlicə götürüblər.

"Siz mənim müəyyən etdiyim siyasi xəttə tabe olursunuz, çünki mən xalqın verdiyi legitimliyə malikəm, siz isə burada pul hesabına varsınız. İndi həmin pulları əlinizdən alacağıq və əvvəlki kimi siyasi "bomjlara" çevriləcəksiniz", - deyə baş nazir yüksək səslə bildirib.

Bundan sonra müxalifət deputatları sözügedən məsələni daha bir neçə dəfə gündəmə gətiriblər. Paşinyan isə yenidən səsini yüksəldərək müxalifət nümayəndələrini hədələyib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ən son xəbərləri bizim

"Facebook" səhifəmizdə izləyin

Digər xəbərlər