Çinli alimlər beyin sürətində işləyən yeni çip hazırlayıblar
Çinli alimlər insan beyninin işləmə prinsiplərini yüksək sürətlə modelləşdirə bilən yeni nəsil memristor çip hazırlayıblar.
Far.Az xəbər verir ki, Pekin Universiteti və Çin Elmlər Akademiyasının Şanxay Mikrosistemlər və İnformasiya Texnologiyaları İnstitutunun birgə hazırladığı tədqiqatın nəticələri nüfuzlu "Science" jurnalında dərc olunub.
Məlumata görə, yeni çip insan beyninin mürəkkəb quruluşunu 10 millisaniyədən az müddətdə yüksək dəqiqliklə modelləşdirə bilir. Ənənəvi kompüterlərdən fərqli olaraq, çip hesablamaları birbaşa məlumatların saxlanıldığı yaddaşda həyata keçirir. Bu isə məlumatların prosessor və yaddaş arasında ötürülməsi ehtiyacını aradan qaldıraraq həm sürəti artırır, həm də enerji sərfiyyatını azaldır.
40 nanometrlik texnologiya əsasında hazırlanan çip 50 meqahers tezliyində işləyir. Sınaqlar zamanı onun müasir ASIC prosessorlarından 3,8–36 dəfə daha sürətli, 11,7–24,7 dəfə daha az enerji sərf etdiyi müəyyən edilib. Beyin qabığının üçölçülü rekonstruksiyası zamanı isə NVIDIA A100 qrafik prosessoru ilə müqayisədə 478 dəfəyədək yüksək sürət nümayiş etdirib.
Tədqiqatçılar bildirirlər ki, yeni texnologiya beyin-kompüter interfeysləri, rəqəmsal beyin modellərinin yaradılması, cərrahiyyə zamanı real vaxt naviqasiya sistemləri, eləcə də Alzheimer və Parkinson kimi neyrodegenerativ xəstəliklərin araşdırılmasında geniş tətbiq oluna bilər.
Oxşar xəbərlər
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Prezident İlham Əliyev Bakı Enerji Həftəsinin rəsmi açılış mərasimində iştirak edib
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
Leyla Əliyeva Bakı Xoreoqrafiya Akademiyasının qonağı olub
Həyatda yaxşı şeyləri niyə görmürük? - Tanınmış simaların FİKİRLƏRİ
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
Andorra - Azərbaycan oyunu: Millimizdən üçüncü qol
-
"Bakcell" gənclər üçün növbəti süni intellekt hakatonunu keçirib
-
Azərbaycanda daha bir həkim vəfat etdi
-
Azərbaycan millisi Andorranı məğlub edib, Emin Mahmudov yığmada son oyununu keçirib













