"Meta Platforms"un həmtəsisçisi Mark Zukerberq süni intellektin ayrı-ayrı şəxslərin və ya təşkilatların əlində cəmləşməsinə qarşı çıxıb və fərdi süni intellekt agentlərini inkişaf etdirməyə çağırıb.

"Report" xəbər verir ki, bu barədə o, şirkətin saytında dərc olunmuş məqaləsində yazıb.

Onun sözlərinə görə, süni intellektə kiçik bir ekspert qrupu tərəfindən nəzarət edilməməlidir. Zukerberq hesab edir ki, onu geniş şəkildə yaymaq və hər bir insana süni intellekti müstəqil şəkildə idarə etmək imkanı vermək lazımdır.

O qeyd edib ki, "Meta" şəxsi süni intellekt agenti, virtual repetitor, yaradıcılıq aləti və müxtəlif sahələrdə köməkçi kimi çıxış edə biləcək fərdi "superintellekt"in yaradılması üzərində işləyir.

Zukerberq "superintellekt"in yaradılmasını bəşəriyyətin indiki nəslin həyatı boyu görəcəyi ən mühüm texnoloji sıçrayışlardan biri adlandırıb. Onun fikrincə, bu hədəfə yaxınlaşdıqca belə texnologiyaların bəşəriyyət üçün faydasını təyin edəcək prinsip və dəyərləri müəyyənləşdirmək xüsusilə vacibdir.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev Səməd Vurğun adına Yaradıcılıq Evinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2