Azərbaycan Ordusunun hərbi qulluqçuları Türkiyənin Milli Müdafiə Universitetinin Hərbi Dəniz Qüvvələri üzrə Gizir Hazırlığı Məktəbində təhsillərini başa vurublar.

Bu barədə "Far.Az"a Müdafiə Nazirliyindən məlumat verilib.

Qeyd olunub ki, Yalova vilayətində keçirilən mərasimdə Türkiyə Hərbi Dəniz Donanmasının rəhbər heyəti, rəsmi qonaqlar, məktəbin müəllim-professor heyəti və məzunların ailə üzvləri iştirak ediblər.

Bildirilib ki, hərbi qulluqçular iki ölkə arasında hərbi təhsil sahəsində mövcud müqaviləyə əsasən Türkiyənin Milli Müdafiə Universitetinin Hərbi Dəniz Qüvvələri üzrə Gizir Hazırlığı Məktəbində təhsil alırlar.

Təhsil ocağı ikiillik hərbi təhsil proqramı üzrə Türkiyə Hərbi Dəniz Qüvvələri üçün miçman kadrlarının hazırlanmasında mühüm rol oynayır.

Tədbirdə Azərbaycanın Türkiyədəki hərbi attaşelik aparatının nümayəndələri iştirak edərək miçman rütbələri almış 5 hərbi qulluqçunu təbrik edib, onlara gələcək xidmətlərində uğurlar arzulayıblar.

Türkiyədə məzun olan Azərbaycan hərbçilərinə diplomlar təqdim edilib

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Silahlı Qüvvələrin bir qrup hərbi qulluqçu təltif edilib

"SOCAR Könüllüləri"nin Məzun Günü və müsabiqəsi keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4