Elşad İskəndərov: Cənubi Qafqaz regionu üçün münaqişə artıq norma hesab edilmir
Cənubi Qafqaz son 30 ildə köklü dəyişikliklərə məruz qalıb: münaqişə gündəliyi tədricən yerini sülh prosesinə, iqtisadi əməkdaşlığa və nəqliyyat əlaqələrinin inkişafına verir.
"Report" xəbər verir ki, bunu Xarici İşlər Nazirliyinin xüsusi tapşırıqlar üzrə səfiri Elşad İskəndərov Bakıda Beynəlxalq Münasibətlərin Təhlili və Multikulturalizm Mərkəzi ilə "LINKS Europe" Fondu tərəfindən təşkil olunmuş dəyirmi masada deyib.
O xatırladıb ki, 30 il əvvəl Azərbaycan və Ermənistan tərəflərinin nümayəndələri 1994-cü ildə əldə olunmuş atəşkəsdən sonra ilk dəfə olaraq sülh nizamlanmasını müzakirə etmək üçün danışıqlar masası arxasına əyləşmişdilər.
E.İskəndərov vurğulayıb ki, həmin səfər o dövrdə regiondakı real vəziyyəti əyani şəkildə nümayiş etdirirdi: yollar minalanmış, yolboyu yerləşən infrastruktur və yaşayış məntəqələri xarabalığa çevrilmişdi, münaqişə isə Cənubi Qafqazda hadisələrin gedişatını müəyyən edən əsas amil olaraq qalırdı.
"30 il sonra mənzərə köklü şəkildə dəyişib. Burada da qeyd olunduğu kimi, münaqişə artıq norma deyil. İndi ictimai və xalq diplomatiyasının yeni mərhələsi, vətəndaş cəmiyyətinin görüşləri də daxil olmaqla, sülh gündəliyi üstünlük təşkil edir", - o bildirib.
Diplomatın sözlərinə görə, hazırkı sülh gündəliyinin rəsmi çərçivəsi, yol xəritəsi var və o, iqtisadi əlaqələrin inkişafı, nəqliyyat əlaqələrinin bərpası və liderlərin siyasi iradəsi ilə möhkəmləndirilir.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













