Vətən müharibəsi iştirakçısı, xüsusi təyinatlı dəstənin kəşfiyyatçı snayperi Qafar Fərzəliyev döyüşlər zamanı yaşadığı ağır anlardan danışıb.

Far.Az Baku TV-yə istinadla xəbər verir ki, Ağdam, Ağdərə və Suqovuşan istiqamətlərində gedən döyüşlərdə iştirak edən Qafar Fərzəliyev ağır yaralanmasına baxmayaraq, yenidən döyüş meydanına qayıtmaq istəyib.

"Düşmənin əks-hücumunun qarşısını alarkən döyüş yoldaşım qucağımda şəhid oldu. Bizi minaatanla vururdular. Mən irəlidə gedirdim, o isə məndən 10-15 addım arxada idi. Məni tələsdirdi ki, tez ol, birdən səni vurarlar. 20-30 saniyə sonra yerimizi dəyişdik və minaatan onun yanına düşdü. Silahdaşını qucağında itirmək çox ağırdır. O, təzə ata olmuşdu, övladının qoxusunu doyunca ala bilməmişdi", - deyə Q.Fərzəliyev bildirib.

Vətən müharibəsi zamanı yaralanan Qafar Fərzəliyev müalicədən sonra hərbi xidmətini davam etdirmək istədiyini deyib. O, bu qərarının hərbi hospitalda polkovnik tərəfindən böyük dəstəklə qarşılandığını bildirib.

Qeyd edək ki, Qafar Fərzəliyevin qardaşı İlkin Fərzəliyev də Vətən müharibəsində iştirak edib və Suqovuşana Azərbaycan bayrağını sancıb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6

Silahlı Qüvvələrin bir qrup hərbi qulluqçu təltif edilib

Leyla Əliyeva Qəbələdə "Gənc arıçı" layihəsinin iştirakçısı ilə görüşüb

I Qarabağ müharibəsinin daha üç itkin-şəhidi dəfn olunub