ABŞ Rumıniyaya 9 piyada desant amfibiya maşını (AAV) tədarük edib.

"Far.Az" xəbər verir ki, bu barədə ABŞ-nin Rumıniyadakı səfirliyinin mətbuat xidməti məlumat yayıb.

Qeyd olunub ki, bu andan etibarən Rumıniya hərbçiləri yeni maşınların idarə edilməsini mənimsəməyə başlayırlar, onlara ABŞ Dəniz Piyadaları Korpusunun ekspert-məsləhətçiləri təlim keçirlər.

"ABŞ-nin Rumıniyadakı səfiri Derril Nirenberq 307-ci dəniz piyadaları alayının modernləşdirmənin mühüm mərhələsinə hazırlığını izləmək üçün Babadağ (Tulça qəzası) poliqonuna səfər edib", - səfirlikdən bildirilib.

AAV7A1 piyada desant amfibiya maşınları 21-dək dəniz piyadasını və ləvazimatları hərbi gəmilərdən düşmən sahilinə daşımaq üçün nəzərdə tutulub.

2023-cü ilin iyulunda Pentaqondan bildirilib ki, ABŞ Dövlət Departamenti Rumıniyaya 120,5 milyon dollar dəyərində 16 piyada desant amfibiya maşını və bununla əlaqədar avadanlıqların satışına icazə verib.

Oxşar xəbərlər

"McDonald"s Azərbaycan" ölkə üzrə şəhid ailələrinin birinci sinif şagirdlərini məktəb ləvazimatları ilə təmin etdi

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Mehriban Əliyeva Azərbaycanın Müqəddəs Taxt-Tacdakı səfirliyinin inzibati ofisinin açılışında iştirak edib

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

FHN Cəmşid Naxçıvanski adına Hərbi Liseydə təlim keçirib