Fövqəladə Hallar Nazirliyinin Dövlət Yanğın Nəzarəti Xidməti və Müdafiə Nazirliyinin Yanğından Mühafizə İnspeksiyası Cəmşid Naxçıvanski adına Hərbi Liseydə birgə təlim keçirib.

BAKU.WS xəbər verir ki, təlimə FHN-in Dövlət Yanğın Nəzarəti və Dövlət Yanğından Mühafizə xidmətlərinin müvafiq canlı qüvvə və texnikası cəlb edilib.

Təlimin keçirilməsində məqsəd Hərbi Liseyin müvafiq heyətinə, həmçinin zabit və kursantlara fövqəladə hallar, o cümlədən yanğınlarla bağlı davranış qaydalarının aşılanması, bu kimi müəssisələrdə mümkün yanğın zamanı yanğından mühafizə bölmələrinin fəaliyyətinin daha da təkmilləşdirilməsi və xilasetmə üzrə şəxsi heyətin peşəkar bacarıqlarının artırılması olub.

Tədbirin nəzəri hissəsində FHN-in əməkdaşları fövqəladə hallar, o cümlədən yanğınlar zamanı zəruri davranış qaydaları və təxliyə tədbirləri barədə ətraflı məlumat veriblər. Həmçinin, təlim iştirakçılarına ilkin yanğınsöndürmə vasitələrindən istifadə qaydaları əyani şəkildə nümayiş etdirilib, onların sualları cavablandırılıb.

Təlimin praktiki hissəsində müəssisə ərazisində şərti yanğınla əlaqədar "Həyəcan" siqnalı verildikdən sonra Liseyin əməkdaşları və kursantları tərəfindən "yanğına ilkin müdaxilə edilib", Dövlət Yanğından Mühafizə Xidmətinin yanğından mühafizə bölmələri isə operativ qaydada hadisə yerinə çataraq, "zərərçəkmişlərin təhlükəli ərazidən" təxliyə edilməsi, "yanğın" yerində çevik kəşfiyyatın aparılması və "yanğının söndürülməsi" əməliyyatlarını yerinə yetiriblər.

Uğurla keçən təlimdən sonra əldə edilmiş nəticələr müzakirə olunub, müvafiq tapşırıqlar verilib və müəssisənin yanğın təhlükəsizliyinə məsul əməkdaşlarına maarifləndirici materiallar təqdim olunub.

Qalereya

Oxşar xəbərlər

FHN-in Dövlət Yanğından Mühafizə Xidməti növbəti "açıq qapı günü" tədbirləri keçirib

DYMX Neft Emalı Zavodunda yanğın-taktiki təlim keçirib

FHN cəzaçəkmə müəsisəsində təlim keçirdi

Mingəçevirdə qəza zamanı xilasetmə əməliyyatlarına dair təlim keçirilib

İlham Əliyev Bakıda keçirilən hərbi paradda çıxış edib - CANLI