Vens: İran müharibəyə son qoymaq üçün uranın zənginləşdirilməsini azaltmalıdır
İran ABŞ-la müharibəyə son qoymaq üçün uranın zənginləşdirilməsi imkanlarını əhəmiyyətli dərəcədə azaltmalıdır.
"Far.Az"un məlumatına görə, bunu ABŞ-nin vitse-prezidenti Cey Di Vens "Reuters"ə müsahibəsində deyib.
"Əgər nüvə silahı istəmirsinizsə, onda uranı niyə 60 faizə qədər zənginləşdirirsiniz? Əgər nüvə silahı yaratmaqdan imtina etməyə sadiqliyinizi nümayiş etdirmək istəyirsinizsə, yüksək zənginləşdirilmiş yanacaq istehsal etməyin. Bu, münaqişəyə son qoyulması üçün çox mühüm və fundamental məsələdir", - deyə Vens bildirib.
O hesab edir ki, İran nüvə silahı yaratmaqdan imtina etməyə sadiqliyini nümayiş etdirmək üçün uranın zənginləşdirilməsi imkanları ilə bağlı əhəmiyyətli addımlar atmalıdır.
Vensin sözlərinə görə, ABŞ hələ də razılaşma əldə etməyə açıqdır, lakin Vaşinqton İrandan nüvə proqramı ilə bağlı konkret güzəştlər tələb edəcək.
"Biz sözləri əməllə dəyişdirmək niyyətində deyilik", - deyə vitse-prezident bildirib.
Onun sözlərinə görə, vəziyyəti çətinləşdirən məqamlardan biri Vaşinqtonun Tehranda qərarların kim tərəfindən qəbul edildiyinə əmin olmamasıdır. Vens bildirib ki, ABŞ İran Prezidenti Məsud Pezeşkian və xarici işlər naziri Abbas Əraqçi ilə danışıqlar aparır. Lakin onların İranın hakimiyyət strukturlarında nə dərəcədə böyük təsirə malik olduğu aydın deyil.
"Diqqət yetirdiyimiz məsələlərdən biri də ölkələrində qərarların necə qəbul edildiyinin tam aydın olmamasıdır", - deyə Vens qeyd edib.
Oxşar xəbərlər
İlham Əliyevlə Cey Di Vens arasında geniştərkibli görüş başa çatıb
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Bu günə qədər Azərbaycan vasitəsilə İrandan 725 nəfər təxliyə olunub
Son iki saatda İrandan Azərbaycana daha 9 nəfər təxliyə olunub
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
Virciniyada yarım əsrdən sonra ilk dəfə qızılca xəstəliyindən bir uşaq ölüb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Azərbaycan vətəndaşlarının İordaniyaya vizasız rejimi tətbiq edilib













