"Ölkə üzrə 8 kənd turistik kənd kimi seçilib".

Far.Az-in məlumatına görə, bunu Dövlət Turizm Agentliyinin Mədəni irsin qorunması sektorunun müdiri Rüstəm Mehdizadə bildirib

Onun sözlərinə görə, layihənin əsas məqsədi yalnız regionlara və kəndlərə turistlərin cəlb edilməsi deyil, həm də turizmdən əldə olunan gəlirlərin birbaşa yerli icmalara yönəldilməsidir.

Mehdizadə qeyd edib ki, İsmayıllı rayonunda İvanovka kəndi turistik kənd kimi müəyyənləşdirilib. Hazırda kəndin bərpası və quruculuğu istiqamətində işlərin aparılması üçün layihələndirmə işləri həyata keçirilir.

Sektor müdiri bildirib ki, kəndə gələn turistlərin qonaqlama, yerləşmə və qidalanma xidmətlərindən istifadə etməsi nəticəsində turizmdən əldə olunan gəlirin birbaşa yerli icmaya çatması nəzərdə tutulur:

"Bu yolla icmanın turizmə cəlb edilməsi və icma əsaslı turizmin inkişafına təkan verilməsi planlaşdırılır.

Seçilmiş kəndlərdə xidmət keyfiyyətinin artırılması məqsədilə kənd qonaq evlərinin sahibləri üçün müxtəlif təlimlər də keçirilir. Təlimlərdə turistlərin qarşılanması və yola salınması, davranış qaydaları, həmçinin xarici dil biliklərinin təkmilləşdirilməsi kimi məsələlərə diqqət yetirilir".

Oxşar xəbərlər

Ramana Qəsri yenidən qapılarını ziyarətçilərin üzünə açdı

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

"İvanovka"da kərə yağı SAXTALAŞDIRILIB

2026-cı ilin birinci yarısında mədəni irsin qorunması və idarə olunması sahəsində görülən işlər