Bu ilin sentyabr ayında Azərbaycanda bütün platformalarda (kompüter, mobil cihazlar və planşetlərdə) "Google" axtarış sisteminin bazar payı 97,35 % təşkil edib.

"Far.Az"un "Statcounter" agentliyinin son hesabatına istinadən verdiyi xəbərə görə, bu, göstərici avqust ayına nisbətən dəyişməyib, 2025-ci ilin sentyabr ayı ilə müqayisədə 14,44 faiz bəndi çoxdur.

İkinci pillədəki "Yandex"in bazar payı aylıq müqayisədə 0,07 faiz bəndi, illik isə 12,82 faiz bəndi və ya 8 dəfə azalaraq 1,82 %-də qərarlaşıb.

Növbəti yerdə qərarlaşan "Bing"in bazar payı ay ərzində 0,1 faiz bəndi artaraq, illik isə 0,74 faiz bəndi azalaraq 0,67 % olub.

Dördüncü yerdəki "DuckDuckGo"nun bazar payı ay ərzində 0,04 faiz bəndi, illik müqayisədə isə 0,39 faiz bəndi azalaraq 0,07 % təşkil edib.

İlk beşliyi qapadan "Yahoo"nun bazar payı ay ərzində sabit qalaraq, illik müqayisədə isə 0,45 faiz bəndi azalaraq 0,07 % olub.

Oxşar xəbərlər

Azərbaycanda axtarış sistemləri arasında "Yahoo"nun bazar payı martda 29 % azalıb

"Yandex" axtarış sisteminin Azərbaycandakı payı 9 dəfə azalıb

Azərbaycanda axtarış sistemləri arasında "Yandex"in bazar payı mayda 62 % azalıb

"Yandex" bir ayda Azərbaycandakı bazar payının 24 %-ni itirib

Azərbaycanda planşetlərdə "Chrome"un payı 18 % azalıb