Almaniya kansleri Fridrix Merts və Böyük Britaniyanın Baş naziri Endi Börnhem Berlində ratifikasiya sənədlərini mübadilə edərək Kensinqton müqaviləsini yekun olaraq təsdiqləyiblər.

"Far.Az" xəbər verir ki, bu barədə Britaniya Baş nazirinin ofisindən bildirilib.

Qeyd olunub ki, Almaniya və Böyük Britaniya arasında 2025-ci ildə imzalanmış dostluq və əməkdaşlıq haqqında müqavilə oktyabrın 8-də rəsmən qüvvəyə minib. Saziş müdafiə, iqtisadiyyat, kvant texnologiyaları, süni intellekt, eləcə də kosmosun mənimsənilməsi sahələrində ikitərəfli əməkdaşlığın dərinləşdirilməsini nəzərdə tutur. Bundan əlavə, sənəd məktəbli mübadiləsi proqramları çərçivəsində viza rejiminin sadələşdirilməsini, habelə ölkələr arasında birbaşa dəmir yolu əlaqəsinin inkişafını nəzərdə tutur.

Börnhem və Merts həmçinin hibrid təhdidlərin izlənilməsini və onlara qarşı mübarizəni aktivləşdirmək barədə razılığa gəliblər.

Xatırladaq ki, dostluq və əməkdaşlıq haqqında müqavilə 2025-ci ilin iyulunda Londonun Kensinqton rayonunda imzalanıb və İkinci Dünya müharibəsindən bəri ölkələr arasında ən böyük ikitərəfli sazişə çevrilib.

Oxşar xəbərlər

Prezident İlham Əliyev və Federal Kansler Fridrix Merts mətbuata bəyanatlarla çıxış ediblər - YENİLƏNİB-3

Tanınmış kardioloqlar, kardio-onkoloqlar, eləcə də süni intellekt və robot texnologiyaları üzrə mütəxəssislər bir arada

Azərbaycanla Latviya arasında 5 sənəd mübadilə edilib

Leyla Əliyeva və Arzu Əliyeva Berlində MAMA "Ana təbiət" sərgisinin açılışında iştirak ediblər

Azərbaycan-Türkmənistan sənədləri mübadilə olunub