Fransanın paytaxtı Parisdə keçirilən Qran-pri turnirində gümüş medala sahib çıxan Azərbaycan parataekvondoçusu Sabir Zeynalovun əsas hədəfi dünya çempionatında qızıl mükafat qazanmaqdır.

Paralimpiyaçı bu barədə "Report"a açıqlama verib.

58 kq çəki dərəcəsində ikinci yeri tutan idmançı yarışla bağlı təəssüratlarını bölüşüb:

"Qarşıda daha iki böyük yarışımız olacaq. Dünya çempionatı və Qran-pridə çıxış edəcəyəm. Hər iki turnirdə qızıl medal qazanmaq əsas məqsədimdir. Parisdəki səhvləri həmin yarışlarda təkrarlamamağa çalışacağam".

S.Zeynalov Qran-pri seriyasının çətin olduğunu söyləyib:

"Parisdəki turnirin də səviyyəsi yaxşı idi. Fransaya qızıl medal üçün gəlmişdim. Amma gümüş mükafatla kifayətlənməli oldum. Yarışda birinci yeri tutmaq istəyirdim. Amma təəssüf ki, alınmadı".

Oxşar xəbərlər

HONOR 600 Seriyasının Azərbaycanda möhtəşəm təqdimatı keçirildi

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

"Formula 1"in Bakıda 10 ili: Azərbaycan Qran-prisinin şəhərə, turizmə və biznesə təsiri

Azərbaycanın üç boksçusu finala yüksəlib, biri bürünc medala sahib olub

Azərbaycanın pilotları çətin döyüş manevrləri üzrə tapşırıqlar yerinə yetiriblər