Azərbaycanda sahibkarların bazara daxil olmasına və iqtisadi fəaliyyətini həyata keçirməsinə təsir edən inzibati, texniki və iqtisadi maneələrin araşdırılması nəzərdə tutulur.

BAKU.WS xəbər verir ki, bu məsələ III Milli Rəqabət Forumunda Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin sədri Elnur Bağırovun çıxışında yer alıb.

Agentlik sədrinin sözlərinə görə, bazarda rəqabət mühitinin yaxşılaşdırılması üçün lisenziya və icazə prosedurlarının, texniki şərtlərin, infrastruktura çıxış imkanlarının və digər tənzimləmə tələblərinin biznes fəaliyyətinə təsiri qiymətləndirilməlidir.

2027–2029-cu illər üzrə Milli Fəaliyyət Planında bu cür tənzimləmələrin təhlil edilməsi və onların təkmilləşdirilməsinə dair əsaslandırılmış təkliflərin hazırlanması prioritet istiqamətlərdən biri kimi müəyyənləşdirilib.

Sənəd həmçinin rəqabət risklərinin əvvəlcədən qiymətləndirilməsini nəzərdə tutur. Bu yanaşma bazarda rəqabəti məhdudlaşdıra biləcək halların vaxtında müəyyənləşdirilməsinə və müvafiq tədbirlərin görülməsinə imkan yaratmalıdır.

Elnur Bağırov qeyd edib ki, rəqabət siyasətinin əsas məqsədlərindən biri iqtisadi fəaliyyət üçün bərabər imkanların genişləndirilməsi, özəl investisiyaların stimullaşdırılması və daha səmərəli bazarların formalaşdırılmasıdır.

Qeyd edək ki, Milli Fəaliyyət Planı Azərbaycan Respublikası Prezidentinin 11 sentyabr 2026-cı il tarixli sərəncamı ilə təsdiq edilib.

Oxşar xəbərlər

Elnur Bağırov: "Azərbaycanda keyfiyyət infrastrukturu sistemli inkişaf mərhələsinə keçib" - MÜSAHİBƏ

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"

Şəhərlər üçün texnologiyalar: "Yango Group" Bakıda keçirilən WUF13 forumunda şəhər mühitinin inkişafına yönəlmiş həllər təqdim edib

Ət əvəzinə hamı balıq alır - Bazarda SON QİYMƏTLƏR