ABŞ dövlət katibi Marko Rubio 17-22 oktyabrda Özbəkistan və Hindistana səfər edəcək, bir sıra ikitərəfli və çoxtərəfli görüşlər keçirəcək.

"Report"un məlumatına görə, bu barədə ABŞ Dövlət Departamentinin 13 oktyabrda yaydığı bəyanatda bildirilir.

Rubio Səmərqənddə ABŞ və beş Orta Asiya dövləti - Qazaxıstan, Qırğızıstan, Tacikistan, Türkmənistan, Özbəkistanı bir araya gətirən xarici işlər nazirlərinin C5+1 formatlı görüşündə iştirak edəcək.

İştirakçılar ABŞ və Orta Asiya ölkələrində sülhün möhkəmləndirilməsinə və rifahın təmin olunmasına yönəlmiş strateji əməkdaşlığın inkişafını müzakirə edəcəklər.

Dövlət katibi həmçinin regional dövlətlərin nümayəndələri ilə ikitərəfli görüşlər keçirəcək. Bundan əlavə, ticarət və iqtisadi əməkdaşlığın genişləndirilməsi perspektivlərini müzakirə etmək üçün Özbəkistana Amerikanın 200-dən çox iri şirkətinin nümayəndəsi gələcək.

Rubio Hindistana səfəri çərçivəsində Mumbay və Camnagar şəhərlərinə səfər edəcək. O, Hindistan rəsmiləri ilə strateji tərəfdaşlığın gücləndirilməsi, regional və beynəlxalq gündəmlər və enerji sektorunda əməkdaşlığın genişləndirilməsi ilə bağlı danışıqlar aparacaq.

Həmçinin ticarət və iqtisadi əməkdaşlıq üçün yeni imkanları müzakirə etmək məqsədilə biznes nümayəndələri ilə görüşlər planlaşdırılır.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev Türküstanda TDT-nin qeyri-rəsmi Zirvə görüşündə iştirak edib

Tacikistan səfiri: Düşənbə və Bakı münasibətləri keyfiyyətcə yeni səviyyəyə yüksəlib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3