Türkiyədə güclü yağış və fırtınanın təsirli olacağı gözlənilir. Havanın temperaturu bir sıra bölgələrdə mövsüm normalarından aşağı düşəcək.

BAKU.WS xəbər verir ki, Türkiyə Meteorologiya Baş İdarəsi 48 vilayət üzrə sarı və narıncı kodlu xəbərdarlıq elan edib.

Proqnoza görə, ölkənin böyük hissəsində fasilələrlə leysan və şimşəkli yağış yağacaq. Yağıntıların Mərmərə bölgəsinin şərqində, Şərqi Aralıq dənizində, Qərbi və Orta Qara dəniz sahillərində, Şərqi Anadolunun qərbində, eləcə də Antalya, Sivas, Ərzurum, Bingöl, Muş, Bitlis, Hakkari və Adıyaman ətrafında güclü olacağı gözlənilir.

İstanbul, Sakarya, Yalova, Kocaeli, Düzce, Zonquldak, Bartın, Kastamonunun sahilyanı əraziləri, Sivas, Ərzincan, Tunceli, Bingöl, Elazığ və Adıyamanda isə yağıntıların çox güclü, bəzi yerlərdə şiddətli olacağı proqnozlaşdırılır.

Mərmərə bölgəsində, Şimali Egey sahillərində, Şərqi Qara dənizin daxili hissələrində və Şərqi Anadolunun cənub-şərqində küləyin sürətinin saatda 50-80 kilometrə çatacağı, bəzi ərazilərdə fırtınanın güclənəcəyi bildirilir.

Güclü külək və yağışla əlaqədar dam örtüklərinin uçması, ağacların aşması, nəqliyyatda problemlər, sel və subasma riskləri barədə xəbərdarlıq edilib.

Rəsmilər sakinləri hava şəraitinin yaradacağı təhlükələrə qarşı diqqətli olmağa və zəruri tədbirlər görməyə çağırıblar.

Oxşar xəbərlər

Vilayət Eyvazov polislərə vətəndaşların şikayətlərinin obyektiv və həssaslıqla araşdırılmasını tapşırıb

Şimal-qərb bölgəsində leysan yağışları olub, dolu düşüb

Nazir bu müəllimləri təltif edildi - ADLAR

Bu qonşu ölkədə əhaliyə xəbərdarlıq edildi: Çəkiniz 65 kiloqramdan aşağıdırsa...

Ermənilərin Ayqut adlandırdığı Gölkənd haqqında mühüm faktlar açıqlanıb - "Qərbi Azərbaycanın yaddaş yerləri"