Meksikanın Yukatan ştatında təhlükəli Naegleria fowleri amöbünün aşkarlanmasından sonra altı süni göl bağlanıb. Qərar sentyabr ayında amöblə yoluxduğu bildirilən su xizəyi təlimçisinin ölümündən sonra verilib.

BAKU.WS xəbər verir ki, ştatın səhiyyə qurumları doqquz göldən altısının suyunu laborator müayinəyə cəlb edib. Həmin göllər turistlərin su xizəyi və kanoe ilə məşğul olması üçün yaradılıb.

Ştatın səhiyyə naziri Alberto Alkoser sakinləri çirkli su ilə təmasdan sonra hər hansı narahatlıq yaranarsa, dərhal tibbi yardım almağa çağırıb. O bildirib ki, amöbün ərazidə aşkarlanması epidemiya olduğu və ya bölgəyə gələn bütün turistlərin yoluxduğu demək deyil.

Məlumata görə, Naegleria fowleri əsasən isti şirin sularda, o cümlədən göllərdə, çaylarda və bataqlıqlarda çoxalır. Amöb burun vasitəsilə orqanizmə daxil olduqda beyində ağır iltihaba səbəb ola bilər.

Yoluxma nəticəsində yaranan ilkin amöb meninqoensefaliti nadir rast gəlinən, lakin ölüm riski son dərəcə yüksək olan xəstəlikdir. Amöbün olduğu suyun udulması deyil, suyun burundan daxil olması əsas yoluxma mexanizmidir.

Oxşar xəbərlər

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Silahlı Qüvvələrin bir qrup hərbi qulluqçu təltif edilib

Bakıda yanğın təhlükəsizliyi pozulan topdansatış mağazası bağlandı

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2