ABŞ Prezidenti Donald Tramp yanacağın yüksək qiymətləri fonunda ölkənin neft sənayesinə dəstək vermək üçün Koreya müharibəsi (1950–1953) dövründə qəbul edilmiş hərbi istehsal haqqında qanunu tətbiq edib.

"Far.Az" xəbər verir ki, bu barədə Ağ Evin dərc etdiyi dövlət başçısının memorandumunda bildirilib.

Tramp neft hasilatı və emalı, eləcə də bu sahə ilə bağlı fəaliyyətləri milli müdafiə üçün zəruri elan edib.

Sənəddə qeyd olunub ki, ABŞ-də neft hasilatı, emalı və logistika sahəsindəki daxili imkanlar, o cümlədən kəşfiyyat və hasilat işləri, nəqliyyat boru kəmərləri, anbarlar və dəniz terminalları milli müdafiə üçün həyati əhəmiyyət daşıyan sənaye resursları, materiallar və kritik texnoloji komponentlərdir.

Qanun prezidentə milli təhlükəsizliyin möhkəmləndirilməsi məqsədilə müəyyən məhsulların istehsalını artırmaq səlahiyyəti verir. Bu çərçivədə Tramp Pentaqona ABŞ-nin neft sənayesini dəstəkləmək üçün vəsait ayırmağa icazə verib. Müvafiq tədbirlər adi məhdudiyyətlərdən və Konqresə əvvəlcədən bildiriş tələblərindən azad edilib.

ABŞ Müdafiə Nazirliyi neft sənayesi üçün zəruri məhsullar ala, subsidiyalar və kreditlər ayıra, kredit zəmanətləri verə, həmçinin yeni müəssisələrin tikintisini və mövcud istehsal güclərinin genişləndirilməsini maliyyələşdirə biləcək.

Oxşar xəbərlər

Azərbaycanın yeni sənaye modelinin konturları - TƏHLİL

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev Qaradağ rayonunda kağız və gigiyenik məhsulların istehsalı müəssisəsinin açılışında iştirak edib