Pirşağıda, Xəzər dənizinin sahilində bir neçə nöqtədə suiti cəsədləri aşkarlanıb. Ərazidə yaşayan sakinlər sahilə yayılan kəskin və xoşagəlməz qoxudan narahat olduqlarını bildiriblər.

Xəzər suitisi yalnız bu dənizdə yaşayan nadir məməli növüdür və dünyanın ən kiçik suitisi hesab olunur. Son illərdə bu növün sayının azalması və Xəzərin müxtəlif sahillərində kütləvi ölüm hallarının qeydə alınması narahatlıq doğurur.

BAKU.WS xəbər verir ki, bu barədə Baku TV-nin videomaterialında deyilir.

İqlim dəyişikliyi, yaşayış mühitinin pisləşməsi və balıq torlarına düşmə suitilərin ölümünə səbəb ola biləcək amillər sırasındadır. Bununla belə, Pirşağı sahilində aşkarlanan suitilərin ölüm səbəbləri yalnız müvafiq araşdırmalar nəticəsində müəyyən edilə bilər.

Cəsədlərin sahildə uzun müddət qalması xoşagəlməz qoxunun yayılmasına və mümkün sanitar risklərin yaranmasına səbəb ola bilər.

Bu səbəbdən suitilərin mütəxəssislər tərəfindən araşdırılması, ölüm səbəblərinin müəyyənləşdirilməsi və cəsədlərin təhlükəsiz şəkildə ərazidən götürülməsi vacibdir.

Oxşar xəbərlər

Yasamalda bina təhlükə altındadır: Sakinlər ölüm qorxusu ilə yaşayırlar

Pirşağıda iri kanalizasiya layihəsi icra olunur

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Şəhid olmuş bir qrup hərbi qulluqçu və mülki işçi ölümündən sonra təltif olunub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3