Orta Dəhlizə böyük tələbat var, hər il onun vasitəsilə yükdaşımaların dinamik inkişafı qeydə alınır.

Bunu “Far.Az”a müsahibəsində TRACECA Hökumətlərarası Komissiyasının Daimi Katibliyinin Baş katibi Aset Asavbayev deyib.

“Hazırda bu dəhliz uğurludur, yəni onun vasitəsilə yüklərin daşınması mümkündür və bu mərhələdə onun kifayət qədər ötürücülük qabiliyyəti var. Bəli, onun inkişafa, dar yerlərin həllinə ehtiyacı var. Ölkələr də məhz bunun üzərində işləyirlər, intensiv müzakirələr gedir, həll yolları axtarılır”, - o bildirib.

Asavbayevin sözlərinə görə, iştirakçı ölkələr arasında bu marşrutun ötürücülük qabiliyyətinin ildə 10 milyon tona çatdırılmasını nəzərdə tutan fəaliyyət planı qəbul edilib.

“Bu rəqəmə - 10 milyon tona, elan olunduğu kimi, yaxın 2 ildə, yəni 2025-2026-cı illərdə nail olunması planlaşdırılır. Məsələn, bu ilin ilk 10 ayında Xəzər dənizi ilə artıq 6,4 milyon tondan çox yük daşınıb. Ona görə də biz bu il böyük ehtimalla 7-7,5 milyon tona çatacağımızı görürük”, - o qeyd edib.

Baş katib həmçinin COP29 çərçivəsində “Dayanıqlı, rəqəmsal Orta Dəhliz və ondan kənarda” mövzusunda keçirilən nazirlərin dəyirmi masa görüşünü yüksək qiymətləndirib.

“Qeyd etmək vacibdir ki, dəyirmi masa aktual məsələlərə həsr olunub. Bunlar Orta Dəhlizin rəqəmsallaşması, dayanıqlılığı məsələləridir”, - Baş katib söyləyib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Neft sisternlərindən transkontinental qatarlara: Azərbaycan dəmir yollarının inkişaf yolu və nailiyyətləri

Bakıda COP29-un Liderlər Sammitinin açılış mərasimi keçirilib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2