Azərbaycanda quş qripi və Nyukasl xəstəliyinə qarşı monitorinq keçiriləcək
Far.Az xəbər saytı

Azərbaycanda quş qripi və Nyukasl xəstəliyinə qarşı monitorinq keçiriləcək


Naxçıvan Muxtar Respublikası da daxil olmaqla, dekabrın 7-11-də ölkə ərazisində quş qripi və Nyukasl xəstəliyinə (quşlar arasında yayılan, əsasən tənəffüs, həzm və sinir sistemini zədələyən yoluxucu virus) qarşı epizootoloji monitorinq aparılacaq.

Bu barədə "Far.Az"a Azərbaycan Qida Təhlükəsizliyi Agentliyindən (AQTA) məlumat verilib.

Bildirilib ki, monitorinq çərçivəsində ovçuluq təsərrüfatlarının və milli parkların su-bataqlıq, dənizsahili zonalarına və digər ərazilərə, eləcə də vəhşi quşlara baxış keçirilməsi nəzərdə tutulur.

Vəhşi quşlar xəstəlik törədicilərinin aşkar edilməsi məqsədilə ovlanacaq. Sənaye əsaslı müxtəlif həcmli quşçuluq müəssisələrində və ailə təsərrüfatlarında saxlanılan ev quşlarından da diaqnostik nümunələr götürülərək laboratoriyalarda müvafiq müayinələr aparılacaq.

Tədbir müddətində ölkə üzrə müəssisələrə, təsərrüfatlara, su hövzələrinə və parklara ümumi baxış keçiriləcək, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri həyata keçiriləcək.

Monitorinq zamanı götürülmüş nümunələr və epizootoloji vəziyyət barədə məlumatlar "Epicollect 5" proqramına daxil ediləcək.

Oxşar xəbərlər

Heydər Əliyev Mərkəzində "Vəhşi təbiətin super qəhrəmanları" sərgisi açılıb
Daşkəsəndə "Həmkardan həmkara qayğı ilə" sosial layihəsi çərçivəsində ödənişsiz tibbi müayinələr keçirilib
Hacıqabul rayonunda ilk dəfə möhtəşəm Quşçuluq Festivalı keçirilib
Bakıda Azərbaycan səhiyyəsi üçün önəmli tədbir keçirilib
Azərbaycanda quş qripi və Nyukasl xəstəliyinə yoluxma halı aşkarlanmayıb

Ən son xəbərləri bizim

"Facebook" səhifəmizdə izləyin

Digər xəbərlər