Əmanətlərin Sığortalanması Fondu (ƏSF) İspaniya, Macarıstan, İtaliya, Monqolustan, Yaponiya, İndoneziya, Malayziya və Nigeriyanın müvafiq qurumları ilə əmanətlərin sığortalanması sistemlərinin inkişafını müzakirə edib.

Bu barədə "Report" Fonda istinadən xəbər verir.

Bununla bağlı müzakirələr ƏSF-nin icraçı direktoru Tural Piriyevin rəhbərlik etdiyi nümayəndə heyətinin Almaniyanın Berlin şəhərində keçirilmiş IADI-nin 25-ci İllik ümumi yığıncağı çərçivəsində ikitərəfli görüşlərdə aparılıb.

Məlumata əsasən, görüşlərdə əmanətlərin sığortalanması sistemlərinin inkişafı, bankların ləğvetmə mexanizmləri, risk-əsaslı sığorta tarifləri, stress-test metodologiyaları, kompensasiya ödənişi mexanizmlərinin təkmilləşdirilməsi və rəqəmsal maliyyə alətləri üzrə beynəlxalq təcrübə müzakirə olunub.

Həmçinin görüşlər çərçivəsində İslam maliyyə prinsiplərinə uyğun əmanətlərin sığortalanması mexanizmləri ətrafında fikir mübadiləsi aparılmış, eləcə də adıçəkilən ölkələrin analoji qurumları ilə institusional əməkdaşlığın genişləndirilməsi və qarşılıqlı əməkdaşlığa dair anlaşma memorandumlarının imzalanması imkanları nəzərdən keçirilib.

Görüşlər beynəlxalq əməkdaşlığın genişləndirilməsi, qabaqcıl təcrübənin tətbiqi və əmanətçilərin hüquqlarının müdafiəsi mexanizmlərinin gücləndirilməsi baxımından mühüm əhəmiyyət daşıyır.

Oxşar xəbərlər

AMEA-nın 80 illik yubiley yığıncağı keçirilib, İlham Əliyev çıxış edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Azərbaycanda meyvə bağını şaxta vurması üzrə 712 min manat sığorta ödənişi edilib