Bu gün Ağdaşda II Beynəlxalq Heyva Festivalı keçirilir.

"Far.Az"un Yuxarı Şirvan bürosu xəbər verir ki, tədbirdə 100-ə yaxın dövlət və özəl təşkilat iştirak edir.

Ağdaşla yanaşı ölkənin digər bölgələrindən olan fermerlər də öz məhsullarını nümayiş etdirirlər. İştirakçılar müxtəlif heyva sortlarını, bu meyvədən hazırlanan mürəbbə və şirniyyatları, milli mətbəx nümunələrini, həmçinin əl işlərini və digər məhsullarını təqdim edirlər.

Festivalda xüsusilə xalçaçılıq və digər sənətkarlıq nümunələri ziyarətçilərin marağına səbəb olur. Tədbirə yerli sakinlərlə yanaşı, müxtəlif bölgələrdən gələn qonaqlar və turistlər də qatılıblar.

Festivalın əsas məqsədi Ağdaşın heyvaçılıq ənənələrini tanıtmaq, yerli istehsalçıların əməyini təşviq etmək, onların məhsullarının satış imkanlarını genişləndirmək və milli-mədəni irsi təbliğ etməkdir.

Oxşar xəbərlər

Mədəniyyət və Sənətkarlıq üzrə Bakı Dövlət Peşə Təhsili Mərkəzində inklüziv təlim və tədris mərkəzi yaradılıb

Ramana Qəsri yenidən qapılarını ziyarətçilərin üzünə açdı

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Bakı bulvarında Çay Festivalı keçirilir

Leyla Əliyeva Şuşa məscidi üçün hazırlanan dünya xalçaçılıq tarixinin ən böyük dairəvi xalçası ilə tanış olub