İKZF: Azərbaycanda ipoteka krediti almaq üçün növbəti limitlər üzrə 1 393 nəfərin müraciəti qeydə alınıb
Azərbaycanda adi ipoteka kreditlərinin verilməsi üçün ayrılmış növbəti limitlər çərçivəsində 1 393 nəfərin müraciəti qeydə alınıb.
"Far.Az" xəbər verir ki, Azərbaycan İpoteka və Kredit Zəmanət Fondu (İKZF) tərəfindən 13 noyabr 2026-cı il tarixində saat 15:00-dan etibarən vətəndaşların müraciətlərinin qəbuluna başlanılıb.
Fondun məlumatına görə, elan edilmiş vaxtda müvəkkil banklara ayrılmış limitlər çərçivəsində ipoteka krediti əldə etmək üçün ümumilikdə sistemə 6 848 müraciət daxil olub.
Bu il ilk dəfə ipoteka kreditləşməsi prosesində vətəndaşlar müraciətlərini "SİMA İmza"nın biometrik identifikasiya funksiyası vasitəsilə təsdiqləyiblər.
Müraciətlərin "Mygov" portalında yerləşən "Elektron ipoteka və kredit zəmanət" sistemi üzərindən bərabər şəraitdə və real vaxt rejimində qəbulunu təmin etmək məqsədilə Xüsusi Rabitə və İnformasiya Təhlükəsizliyi Dövlət Xidməti ilə birgə sistemin dayanıqlılıq və təhlükəsizlik testləri aparılıb. Tətbiq olunan informasiya təhlükəsizliyi mexanizmləri sayəsində sistemin fasiləsiz fəaliyyəti təmin edilib və onun işinə daimi nəzarət həyata keçirilib.
Fond qeyd edib ki, ipoteka kreditlərinin əlverişli şərtlərlə və aşağı faiz dərəcələri ilə təqdim edilməsi əhali arasında bu maliyyə alətinə yüksək tələbat formalaşdırıb.
Müraciətlərin qəbulundan sonrakı proseslər mövcud qanunvericiliyə və Fondun daxili qaydalarına uyğun davam etdirilir.
Oxşar xəbərlər
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
Nazir Vilayət Eyvazov Sumqayıtda vətəndaşların müraciətlərini dinləyib və sıra baxışı keçirib
Kəsilmiş ağacın əvəzinə yeni ağac əkilib və üzərinə identifikasiya etiketi vurulub
Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib
Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Gürcüstan hərbi əməkdaşlığının genişləndirilməsi müzakirə olunub
-
Macarıstan Xorvatiya vasitəsilə neft tədarükünə dair danışıqlara başlayıb













