Samir Şərifov: Azərbaycan və Aİ arasında son vaxtlar müsbət dinamika müşahidə olunur
Avropa İttifaqının (Aİ) təşəbbüsü ilə Brüssel şəhərində Regionlararası təhlükəsizlik və bağlantılar mövzusuna həsr olunmuş ikinci nazirlər toplantısı keçirilib.
Bu barədə "Far.Az"a Xarici İşlər Nazirliyindən məlumat verilib.
Qeyd olunub ki, Azərbaycanı toplantıda xarici işlər nazirinin müavini Samir Şərifovun başçılıq etdiyi nümayəndə heyəti təmsil edib.
Toplantıda Aİ təsisatlarının yüksək vəzifəli rəsmiləri, Avropa İttifaqına üzv ölkələrin, Azərbaycan, Türkiyə, Ukrayna, Moldova, Ermənistan və Mərkəzi Asiya ölkələrinin xarici işlər nazirləri və digər yüksək vəzifəli rəsmi şəxsləri iştirak edib.
İki sessiyadan ibarət nazirlər toplantısının birinci sessiyasında Qara dəniz hövzəsində təhlükəsizlik və sabitliyin möhkəmləndirilməsi, ikinci sessiyası çərçivəsində isə Regionlararası Bağlantılar Gündəliyinin həyata keçirilməsi ətrafında müzakirələr aparılıb.
Hər iki sessiyada çıxışında nazir müavini S.Şərifov Azərbaycan və Avropa İttifaqı arasında son vaxtlar müşahidə olunan müsbət dinamikanın əhəmiyyətini qeyd edib. Avropa və Mərkəzi Asiya arasında enerji, nəqliyyat və rəqəmsal bağlantılar baxımından müstəsna rola malik Azərbaycanın təşəbbüsü ilə indiyə qədər həyata keçirilmiş infrastruktur layihələrinin Orta Dəhlizin formalaşdırılmasına əhəmiyyətli töhfə verdiyi vurğulanıb, bu sahələrdə konkret layihələrin həyata keçirilməsində regional və beynəlxalq tərəfdaşlarla əməkdaşlığı davam etdirmək əzmində olduğumuz diqqətə çatdırılıb.
Azərbaycanın öncül rolu ilə davam etdirilən sülh və normallaşma prosesinin regionda sülh, sabitlik və əməkdaşlıq üçün geniş imkanlar yaratdığı, geniş Qara dəniz regionunda sülh və sabitliyin möhkəmlənməsinə töhfə verdiyi və regionlar arasında bağlantılar layihələrinin icrasına zəmin yaratdığı nəzərə çatdırılıb.
Oxşar xəbərlər
Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub
Vətən müharibəsində Qələbənin beşinci ildönümünə həsr olunmuş Hərbi parad keçirilib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Prezident İlham Əliyev Bakı Enerji Həftəsinin rəsmi açılış mərasimində iştirak edib
Mehriban Əliyeva BMT Baş Assambleyası çərçivəsində xüsusi sessiyada iştirak edib
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
"Bakcell" gənclər üçün növbəti süni intellekt hakatonunu keçirib
-
Andorra - Azərbaycan oyunu: Millimizdən üçüncü qol
-
Azərbaycanda daha bir həkim vəfat etdi
-
Azərbaycan millisi Andorranı məğlub edib, Emin Mahmudov yığmada son oyununu keçirib













