Zelenski Rütte ilə Rusiya, İran və Şimali Koreyanın “yaratdığı qlobal riskləri” müzakirə edib
Ukrayna Prezidenti Volodimir Zelenski NATO-nun Baş katibi Mark Rütte ilə Rusiya, İran və Koreya Xalq Demokratik Respublikasının (KXDR) “yaratdığı qlobal riskləri” müzakirə edib.
“Report” xəbər verir ki, bu barədə Ukrayna Prezident Ofisinin məlumat yayıb.
“Ukrayna Prezidenti Volodimir Zelenski NATO-nun Baş katibi Mark Rütte ilə telefon danışığı aparıb”, – mətbuat xidməti qeyd edib.
Bildirilib ki, Zelenski Ukraynanın sorğusu əsasında dünən keçirilmiş NATO-Ukrayna Şurasının növbədənkənar iclasının təşkilinə görə təşəkkür edib.
“İclasda Ukrayna tərəfi Rusiyanın Dneprə qarşı yeni ballistik raketdən istifadəsi barədə ətraflı məlumat təqdim edib”, – məlumatda diqqətə çatdırılıb.
Zelenski Rusiyanın müharibəni genişləndirməsinə qarşı NATO-nun “qətiyyətli və vaxtında reaksiyasına” ümid etdiyini deyib: “Bu xüsusda dekabrın 3 və 4-də Brüsseldə xarici işlər nazirləri səviyyəsində Ukrayna – NATO Şurasının iclası keçiriləcək. Ukrayna bu tip raketləri ələ keçirə bilən hava hücumundan müdafiə vasitələrinin verilməsinə dəstək gözləyir. Ukrayna Alyans ölkələrinin silahlanmasında olan hava hücumundan müdafiə sistemlərinin siyahısını tərəfdaşlarına təqdim edib”.
“Ukrayna üçün NATO-ya dəvət almaq və Alyans ölkələri ilə müdafiə əməkdaşlığını davam etdirmək vacibdir”, – mətbuat xidməti dövlət başçısının sözlərini qeyd edib.
Məlumata görə, diqqət mərkəzində olan digər məsələlərdən biri də “uzaqmənzilli vasitələrin təchizatı və elan edilmiş yardım paketlərindən silahların təhvil verilməsinə olan kritik ehtiyac olub”.
Bundan başqa, tərəflər Rusiya, İran və Şimali Koreya “ittifaqının yaratdığı qlobal risklər” ətrafında fikir mübadiləsi aparıblar. Bu xüsusda “Rusiyanın silah müqabilində öz müasir hərbi texnologiyalarını ötürməsi məsələsi” qeyd olunub.
Oxşar xəbərlər
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Bakıda COP29-un Liderlər Sammitinin açılış mərasimi keçirilib - YENİLƏNİB-2
Prezident İlham Əliyev Moskvada MDB Dövlət Başçıları Şurasının iclasında iştirak edib - YENİLƏNİB-4
Şimali Koreya Rusiya ilə strateji tərəfdaşlıq müqaviləsini ratifikasiya edib
Ən son xəbərləri bizim
"Facebook" səhifəmizdə izləyin
Digər xəbərlər
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
FTB ABŞ-nin Yunanıstandakı keçmiş səfirinin fəaliyyətini araşdırır
-
Tramp İranla münaqişənin tezliklə həll olunacağına ümid edir
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
"Bloomberg": "Anthropic" səhmlərin yerləşdirilməsi hesabına 94 milyard dollardan çox vəsait cəlb edə bilər













