Azərbaycan və Pakistan rəsmiləri ticarət və mədəniyyət sahəsində əməkdaşlığı müzakirə ediblər
Pəncab əyalətinin baş naziri Məryəm Nəvaz Şərif və Azərbaycanın İslamabaddakı səfiri Xəzər Fərhadovla ticarət, mədəni mübadilə və digər sahələrdə ikitərəfli münasibətlərin genişləndirilməsini müzakirə ediblər.
“Report” xəbər verir ki, bu barədə Pakistanın ingilisdilli qəzeti məlumat yayıb.
Pəncab əyalətinin baş naziri azərbaycanlı diplomatla görüşdə İslamabad və Bakı arasında mədəni və təhsil əlaqələrinin möhkəmləndirilməsinə sadiq olduğunu vurğulayıb. Tərəflər müxtəlif sektorlarda ticarət və investisiya imkanlarının araşdırılması üçün birgə səylər göstərməyə razılaşıblar.
Məryəm Nəvaz Pəncab hökumətinin ictimai rifah sahəsində mövcud inkişaf layihələri və təşəbbüsləri barədə məlumat verib. Onun sözlərinə görə, Azərbaycan Prezidenti İlham Əliyevin Pakistana son səfəri ikitərəfli əməkdaşlığın dərinləşdirilməsi üçün mühüm addım olub.
Əyalət baş naziri qeyd edib ki, Pakistanla Azərbaycan arasında münasibətlərin möhkəmləndirilməsi üçün böyük imkanlar var. Onun sözlərinə görə, təhsil, səhiyyə, kənd təsərrüfatı və energetika sahələrində əməkdaşlığı inkişaf etmək mümkündür. “Azərbaycanın turizm sahəsindəki təcrübəsindən yararlanmaq istəyirik”, – siyasətçi vurğulayıb. O, Pakistanın Pəncabı “regional ticarətin mərkəzi” etmək istədiyini söyləyib. Məryəm Nəvaz azərbaycanlı iş adamlarını yatırım etməyə çağıraraq onlar üçün xüsusi güzəşt paketi vəd edib.
Öz növbəsində, Fərhadov ölkəsinin Pəncabın müxtəlif sektorlarına investisiya qoyuluşunda maraqlı olduğunu qeyd edib və Məryəm Nəvazı Azərbaycana səfərə dəvət edib.
Oxşar xəbərlər
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB
Bakıda COP29-un Liderlər Sammitinin açılış mərasimi keçirilib - YENİLƏNİB-2
Özbəkistanın mədəniyyət naziri: Xalqlarımızı birləşdirən fundamental dəyər mədəniyyətdir - MÜSAHİBƏ
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
"Anthropic"in səhmləri "Nasdaq"da ticarətin ilk günündə 17 % artıb
-
Qızılın qiyməti ötən ilin sentyabrından sonra ilk dəfə 3 650 dollardan aşağı düşüb
-
Əməkdar artist: Canlandırdığım obrazın daxili dünyasını daha dərindən anlamağa çalışdım
-
Qarakənd faciəsindən 35 il ötür













