Fevralın 2-də Rusiyanın paytaxtı Moskvada Xalq Təsərrüfatı Nailiyyətləri Sərgisinin (XTNS) "Azərbaycan" pavilyonunda “Nəzər nöqtəsi” layihəsi işə başlayacaq.

“Report”un Rusiya bürosunun məlumatına görə, tədbirdə Azərbaycanın Rusiyadakı səfiri Rəhman Mustafayev, o cümlədən ekspertlər, tələbələr və diaspor üzvləri iştirak edəcəklər.

Diplomat çıxışı zamanı karyerasının mühüm mərhələləri barədə danışacaq. Həmçinin tədbir iştirakçıları qonağa öz suallarını verə biləcəklər.

Layihə çərçivəsində keçirilən hər bir tədbir iştirakçılara yeni biliklər əldə etmək fürsəti qazandıracaq.

Qeyd edək ki, “Azərbaycan” pavilyonu 23 noyabr 2019-cu il tarixində bərpadan sonra açılıb. Hər il pavilyonu 1 milyondan çox insan ziyarət edir. Dörd il ərzində o, rəsm sərgiləri, dequstasiya ilə milli bayramlar, musiqi və rəqs tamaşaları da daxil olmaqla 40-dan çox tədbirə ev sahibliyi edib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Klassik avtomobillərin yürüşü və sərgisi keçirilib