SOCAR Hindistanın ONGC, MRPL şirkətləri ilə enerji əməkdaşlığını genişləndirir
Azərbaycan Dövlət Neft Şirkəti (SOCAR) Hindistanın “Mangalore Refinery and Petrochemicals Limited” (MRPL) və “Oil and Natural Gas Corporation Limited” (ONGC) şirkətləri ilə enerji sahəsində əməkdaşlıq haqqında Anlaşma Memorandumu (MoU) imzalayıb.
Bu barədə “Report” ONGC-yə istinadən məlumat verir.
Memorandum Hindistan Enerji Həftəsi çərçivəsində imzalanıb və tərəflər arasında strateji imkanların araşdırılmasını nəzərdə tutur. Razılaşma xam neft və mayeləşdirilmiş təbii qazın tədarükü, neft məhsullarının satışı və tədarükü, ticarət imkanlarının öyrənilməsi, eləcə də bilik mübadiləsi yolu ilə potensialın artırılması kimi əsas istiqamətləri əhatə edir.
ONGC qeyd edib ki, bu tərəfdaşlıq şirkətin Azərbaycanın neft-qaz sektorunda, xüsusilə “Azəri-Çıraq-Günəşli” (AÇG) yataqlar bloku və Bakı-Tbilisi-Ceyhan (BTC) boru kəməri layihələrində iştirakını gücləndirəcək.
“Anlaşma memorandumu ONGC və MRPL-in qlobal enerji bazarındakı iştirakını genişləndirməyə, eyni zamanda Hindistan və Azərbaycan arasında enerji təhlükəsizliyi sahəsində əməkdaşlığı dərinləşdirməyə imkan verəcək”, - deyə şirkət bildirib.
Qeyd edək ki, hazırda “ONGC Videsh” Azərbaycanda AÇG layihəsində 2,92 %, BTC neft kəmərində isə 3,1 % paya malikdir. 1988-ci ildə təsis edilmiş MRPL isə ONGC-nin törəmə şirkəti olaraq Manqalorda neft emalı zavodunu idarə edir.
Oxşar xəbərlər
30 illiyini qeyd edən Azərbaycan enerjisinin ötən ilinə baxış
“Equinor” AÇG və BTC layihələrindəki paylarının SOCAR və “ONGC Videsh Limited”ə satışını yekunlaşdırıb
2024-cü ilin BOEM reallığı: Azərbaycan "yaşıl enerji"nin inkişafı istiqamətində sıçrayış edir
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
Virciniyada yarım əsrdən sonra ilk dəfə qızılca xəstəliyindən bir uşaq ölüb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Azərbaycan vətəndaşlarının İordaniyaya vizasız rejimi tətbiq edilib













