Bu gün saat 18:00-da şagirdlərin elektron yerdəyişməsində valideynlər üçün sy.edu.az elektron sistemi vasitəsilə ümumi təhsil müəssisələrinə sorğu yerləşdirmə prosesi dayandırılacaq.

"Report" xəbər verir ki, bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.

Həmin müddətə qədər sorğu yerləşdirən valideynlər 5 sentyabr saat 15:00-a qədər övladlarının sənədlərini yerdəyişmə etdikləri ümumi təhsil müəssisəsinə təqdim etməlidirlər.

Qeyd edək ki, yerdəyişmə prosesinə II – IX və XI sinif şagirdləri üçün 8 avqust 2024-cü il saat 15:00-dan, X siniflər üçün isə 15 avqust 2024-cü il saat 15:00-dan etibarən başlanılıb. Yerdəyişmə prosesi yekunlaşdıqdan sonra tamamlanmayan sorğular və növbələr avtomatik olaraq sistem tərəfindən silinəcək.

Oxşar xəbərlər

Sabah şagirdlərin yerdəyişməsi prosesi dayandırılacaq

Bu tarixdə şagirdlərin yerdəyişməsi prosesi dayandırılacaq

Bu gün şagirdlərin yerdəyişməsi dayandırılır

Naxçıvanda 20 məktəbəqədər təhsil müəssisəsində vakant yerlər mövcuddur

Bakıda I sinfə qəbulla bağlı 40 383 sorğu yerləşdirilib