Ağ şəhərdə BMW-nin xanım sürücüsü motosikletçini vurdu: "Zor edirəm"
Xətai rayonu, Ağ şəhər ərazisində xoşagəlməz insident yaşanıb.
BAKU.WS Patrul.az-a istinadən xəbər verir ki, Nadir Nahid oğlu Cəlilov qarşılaşdığı qanunsuz hərəkətlə bağlı şikayətini bildirib.
Hadisə oktyabrın 5-də saat 21 radələrində "Neptun" marketin yaxınlığında, "AzParking"ə məxsus rəsmi parklanma sahəsində baş verib. N.Cəlilov 99-M-374 dövlət qeydiyyat nişanlı motosikletini qanuni park yerində saxlayıb.
Bu zaman 90-BY-008 dövlət qeydiyyat nişanlı BMW markalı avtomobili idarə edən xanım sürücü yaxınlaşaraq, ondan motosikleti kənara çəkməyi tələb edib. Şikayətçi bu yerin rəsmi parklanma sahəsi olduğunu bildirərək xanım sürücünün tələbini rədd edib.
İddiaya görə, cavab olaraq BMW sürücüsü avtomobili ilə motosikleti vuraraq yerə yıxıb.
Nadir Cəlilov hadisə anını mobil telefonu ilə lentə alıb. Qeydə alınan görüntülərdə qadın sürücünün "zor edirəm, çək" deməsi aydın şəkildə eşidilir. Zərərçəkənin sözlərinə görə, sürücü bundan sonra etik normalara uyğun olmayan təhqiramiz ifadələr də işlədib. Lakin Cəlilov həmin hissəni etik olmadığı üçün paylaşmadığını bildirib.
Motosikletin yerə çırpılması nəticəsində onun sürətlər qutusu zərər görüb.
Nadir Cəlilov hadisəyə hüquqi qiymət verilməsini və dəymiş ziyanın ödənilməsini təmin etmək üçün aidiyyəti dövlət qurumlarından köməklik göstərilməsini xahiş edib.
Oxşar xəbərlər
Prezident İlham Əliyev Əfv Sərəncamı imzalayıb
Xətai rayonunda Heydər Əliyev Fondu tərəfindən yeni məktəb binası istifadəyə verilib
20 su emalı müəssisəsində mikrobioloji çirklənmə aşkarlanıb
Qurbanlıq heyvanların satışı və kəsimi xidmətləri göstəriləcək ünvanlar açıqlanıb
Bir qrup dövlət qulluqçusu təltif edilib - SƏRƏNCAM
Ən son xəbərləri bizim
"Facebook" səhifəmizdə izləyin
Digər xəbərlər
-
"Bakcell" gənclər üçün növbəti süni intellekt hakatonunu keçirib
-
"Sədərək" bazarında səssizlik: Alıcıları hara üz tutublar?
-
ABŞ Azərbaycana minatəmizləmə işlərində yardım göstərə bilər
-
PSV Kevin De Brüyne üçün transfer təklifi göndərib
-
CNN: İran Vaşinqtonda Tramp administrasiyası rəsmilərinə hücumlar hazırlayır
-
NATO Ukraynaya ABŞ silahları almaq üçün 10 milyard dollardan çox xərcləyib













